7596951951.16 रुपये शिल्लक, पेन्शनचे 1100 रुपये काढणाऱ्या आजोबांचं खातं पाहून सगळेच हैराण | व्हायरल न्यूज (Viral News in Marathi)

११०० रुपये पेन्शनचे काढले त्यानंतर हा प्रकार घडला होता. आता खात्यात इतके पैसे आले तर काढून बघायला काय हरकत म्हणून, ग्राहक सेवा केंद्राच्या कर्मचाऱ्याने प्रयत्नही केला. काही पैसे काढण्यासाठी प्रोसेस केलं पण, सिस्टिममध्ये एरर आला. त्यामुळे पैसे काही निघाले नाही. पुन्हा १० मिनिटांनी हा प्रयत्न करण्यात आला, पण, तेव्हाही सिस्टिममध्ये एरर आला आणि पैसे काही निघाले नाही. १० मिनिटांनी जेव्हा अकाऊंट पुन्हा तपासले तेव्हा   7596951951.16 रुपये गायब झाले. खात्यात शुन्य पैसे बाकी होते. हे पाहून ग्राहक सेवा केंद्राच्या कर्मचाऱ्याला आणखी एक धक्का बसला. आता आपल्या खात्यात काही नाही हे पाहून मिश्र आता नाराज झाले, जे ११०० रुपये पेन्शनचे आले होते, ते घेऊन घरी चालले गेले.

पण, १० मिनिटांसाठी मिश्र आजोबा हे त्या गावातले सगळ्यात श्रीमंत व्यक्ती ठरले होते. पण, आपण गरीब आहोत, बँकेकडून चुकून इतके पैसे खात्यात आले असतील, अशी स्वत: ची समजूत काढत कामेश्वर मिश्र यांनी आपल्याकडे जितके पैसे आहे, त्यावर समाधान मानत ग्राहक केंद्रावरून घरी निघाले. पण, १५ मिनिटांमध्ये घडलेल्या या घटनेमुळे कामेश्वर मिश्र आजोबा आता सोशल मीडियावर चांगलेच व्हायरल झाले आहे.