पोवा एआय बड्स प्रो हे कंपनीचे नवीनतम ट्रू वायरलेस स्टिरिओ (TWS) इअरफोन्स म्हणून शुक्रवारी भारतात लाँच करण्यात आले. हे इअरबड्स 48dB पर्यंत हायब्रीड ॲक्टिव्ह नॉइज कॅन्सलेशन (ANC) देतात. यामध्ये व्हॉइस पिकअप युनिट (VPU) सह आठ-मायक्रोफोन ॲरे आणि ड्युअल-डिव्हाइस कनेक्टिव्हिटी आहे. टेक्नोच्या या सब-ब्रँडच्या म्हणण्यानुसार त्यांचे नवीनतम ६TWS व्हॉइस रेकॉर्डिंग, ट्रान्सक्रिप्शन आणि रेकॉर्डिंग सारांश यांसारख्या एआय-सक्षम वैशिष्ट्यांना सपोर्ट करतात. पोवा एआय बड्स प्रो एकूण 40 तासांपर्यंत बॅटरी लाईफ देतात असा दावा करण्यात आला आहे.
पोवा एआय बड्स प्रो ची भारतातील किंमत आणि उपलब्धता
पोवा एआय बड्स प्रो यांची भारतात किंमत 14 हजार 999 रूपये आहे. प्रास्ताविक ऑफरचा भाग म्हणून ते मर्यादित कालावधीसाठी 12 हजार 499 रूपये या कमी किमतीत विक्रीसाठी उपलब्ध असतील. ग्राहक नो-कॉस्ट ईएमआय पर्याय आणि 1 हजार रूपयांची बँक सवलत देखील मिळवू शकतात.
हे TWS इअरबड्स देशात 22 ऑगस्ट रोजी दुपारी 12 वाजल्यापासून ॲमेझॉन इंडिया आणि फ्लिपकार्टवर विक्रीसाठी उपलब्ध होतील.
पोवा एआय बड्स प्रो ची वैशिष्ट्ये आणि तपशील
टेक्नो कंपनीच्या म्हणण्यानुसार पोवा एआय बड्स प्रो सोबत एक ड्युअल-टोन चार्जिंग केस येते. ज्यामध्ये एक खास लाल रंगाचे क्विक नोट बटण आहे. कंपनीच्या मते या फीचरमुळे वापरकर्ते थेट इअरबड्समधून ऑडिओ रेकॉर्डिंग सुरू करू शकतात. या इअरफोन्समध्ये रेकॉर्डिंगसाठी 4 तासांपर्यंतची ऑनबोर्ड स्टोरेज क्षमता आहे.
या बड्समध्ये एआय मीटिंग समरी फीचर देखील आहे. त्यासोबतच हे बड्स 78 भाषांसाठी रिअल-टाइम भाषांतरास समर्थन देते. ब्रँड यावर जोर देतो की वापरकर्त्यांना त्यांच्या रेकॉर्डिंग, ट्रांसक्रिप्ट्स आणि सारांशांवर पूर्ण नियंत्रण असेल.
कॉल्ससाठी पोवा एआय बड्स प्रो मध्ये व्हॉइस पिकअप युनिट (VPU) सह आठ-मायक्रोफोन ॲरे दिलेला आहे. तसेच ते 48dB पर्यंतच्या हायब्रीड ANC ला सपोर्ट करतात.
हे पोवा इअरफोन्स ड्युअल-डिव्हाइस पेअरिंगला सपोर्ट करतात आणि चार्जिंग केससह एकूण 40 तासांपर्यंतचा प्लेबॅक टाइम देतात असा दावा केला जातो. ही केस USB Type-C वायर्ड चार्जिंग तसेच Qi वायरलेस चार्जिंगला सपोर्ट करते. धूळ आणि पाण्यापासून संरक्षणासाठी त्यांना IP55-रेटेड बॉडी देण्यात आली आहे.
