Samsung Galaxy A35 5G : एकीकडे स्मार्टफोनच्या किमती सातत्याने वाढत असताना फोन खरेदी करणे महागडे ठरत आहे. त्यात सॅमसंग कंपनीने त्यांचा गॅलेक्सी S25 ची किंमत वाढली असली तरी बजेटमध्ये Samsung स्मार्टफोन खरेदी करू इच्छिणाऱ्यांसाठी एक चांगली डील समोर आली आहे. Samsung Galaxy A35 5G हा फोन त्याच्या लाँच किमतीपेक्षा तब्बल 12 हजार रूपयांच्या कमी किमतीत उपलब्ध झाला आहे. हा फोन Flipkart वर सवलतीच्या दरात मिळत असून, त्यात ट्रिपल रिअर कॅमेरा सेटअप आणि 5,000mAh बॅटरी यांसारखी वैशिष्ट्ये मिळतात. चला तर मग या फोनची ऑफर किंमत जाणून घेऊयात.
सॅमसंग गॅलेक्सी ए35 5जी ची ऑफर किंमत
हा सॅमसंग 5G स्मार्टफोन 32 हजार 999 रूपयांच्या सुरुवातीच्या किमतीत लाँच झाला होता, परंतु त्याचा 8GB रॅम आणि 128GB व्हेरिएंट सध्या फ्लिपकार्टवर 18 हजार 999 रूपयांना विकला जात आहे. याचा अर्थ हा मॉडेल त्याच्या लाँच किमतीपेक्षा 12 हजार रूपयांच्या कमी किमतीत उपलब्ध आहे. फ्लिपकार्ट ॲक्सिस किंवा फ्लिपकार्ट एसबीआय बँक कार्डने पेमेंट केल्यास 950 रूपयांची बँक कार्ड सवलतीचा देखील लाभ घेता येईल.
या व्यतिरिक्त तुमचा जुना फोन देऊन तुम्हाला 15 हजार 100 रूपयांपर्यंतची एक्सचेंज डिस्काउंट देखील मिळेल . एक्सचेंजची किंमत तुमच्या जुन्या फोनच्या मॉडेल आणि स्थितीवर अवलंबून असेल. या किंमत श्रेणीमध्ये हा सॅमसंग 5G मोबाईल मोटोरोला G37 पॉवर, विवो T5 लाइट 44W 5G आणि पोको C85 5G सारख्या स्मार्टफोन्सशी स्पर्धा करतो.
गॅलेक्सी ए35 5जी वैशिष्ट्ये
या फोनमध्ये 120Hz रिफ्रेश रेट असलेल्या 6.7-इंचाच्या फुल एचडी+ AMOLED स्क्रीनसह, या फोनमध्ये 1900 निट्सची पीक ब्राइटनेस आहे. वेग आणि मल्टीटास्किंगसाठी हा सॅमसंग 5जी फोन स्नॅपड्रॅगन 6व्या जनरेशनच्या 3 ऑक्टा-कोअर प्रोसेसरद्वारे समर्थित आहे. फोनमध्ये 5000mAh क्षमतेची पॉवरफूल बॅटरी आहे, जी 45W फास्ट चार्जिंगला सपोर्ट करते.
कॅमेरा सेटअपबद्दल बोलायचे झाल्यास या फोनमध्ये एकूण चार कॅमेरे आहेत, तीन मागील बाजूस आणि एक पुढील बाजूस. मागील कॅमेऱ्यामध्ये 50-मेगापिक्सलचा प्रायमरी सेन्सर, सोबतच 8-मेगापिक्सलचा अल्ट्रा-वाइड-अँगल कॅमेरा आणि 5-मेगापिक्सलचा मॅक्रो कॅमेरा आहे. सेल्फीसाठी यात 12-मेगापिक्सलचा फ्रंट कॅमेरा आहे.
