मोबाईलवरून ई-केवायसी करण्याची ऑनलाईन प्रोसेस
तुम्हाला ई-केवायसी करण्यासाठी कुठेही बाहेर जाण्याची किंवा रांगेत उभे राहण्याची गरज नाही. तुम्ही तुमच्या मोबाईलवरून अवघ्या 10 मिनिटांत ही ऑनलाईन प्रोसेस सहज पूर्ण करू शकता. खालील सोप्या स्टेप्स फॉलो करा:
ई-केवायसी करण्याची ऑनलाईन प्रोसेस
लॉगिन करा: सर्वप्रथम मुख्यमंत्री माझी लाडकी बहीण योजनेच्या अधिकृत वेबसाईटला भेट द्या. तुमचा नोंदणीकृत मोबाईल नंबर, पासवर्ड आणि कॅप्चा कोड टाकून लॉगिन करा.
eKYC पर्यायाची निवड: लॉगिन केल्यानंतर मुख्य डॅशबोर्डवर जा. तेथे तुम्हाला ‘eKYC’ किंवा ‘कागदपत्रे पडताळणी’ हा पर्याय दिसेल, त्यावर क्लिक करा.
आधार नंबर आणि OTP: नवीन पेजवर तुमचा 12 अंकी आधार कार्ड नंबर अचूक टाका आणि ‘Send OTP’ बटणावर क्लिक करा.
पडताळणी: तुमच्या आधार कार्डशी लिंक असलेल्या मोबाईल नंबरवर 6 अंकी OTP येईल. तो दिलेल्या रकान्यात भरून ‘Verify OTP’ वर क्लिक करा.
सबमिट करा: स्क्रीनवर तुमची सर्व माहिती आणि पडताळणी यशस्वी झाल्याचा मेसेज दिसेल. शेवटी ‘Submit’ वर क्लिक करून प्रक्रिया पूर्ण करा.
ई-केवायसी का महत्त्वाची आहे?
शासनाने योजनेत पारदर्शकता आणण्यासाठी आणि केवळ खऱ्या व गरजू लाभार्थ्यांपर्यंतच थेट लाभ पोहोचवण्यासाठी आधार आधारित ई-केवायसी बंधनकारक केली आहे. जर तुमची केवायसी झाली नसेल, तर तुमचे बँक खाते Inactive मानले जाते आणि सरकारी निधी तुमच्या खात्यात ट्रान्सफर होत नाही.
अजूनही हजारो महिलांची केवायसी प्रलंबित असल्यामुळे किंवा अर्जात त्रुटी असल्याने त्यांचे हप्ते रखडले आहेत. ज्या महिलांची केवायसी चुकली आहे किंवा ‘Pending’ स्टेटस दाखवत आहे, अशा महिलांना प्रशासनाकडून तात्पुरता वाढीव वेळ (Grace Period) दिला जात आहे, जेणेकरून त्या अंगणवाडी सेविका किंवा सेतू केंद्राच्या मदतीने त्रुटी दूर करू शकतील. पात्र भगिनींच्या खात्यात प्रलंबित महिन्यांचे एकत्रित हप्ते (उदा. 3000) डीबीटी (DBT) द्वारे जमा केले जाणार आहेत, मात्र त्यासाठी बँक खाते आधारशी लिंक असणे आणि केवायसी अपडेट असणे अत्यंत आवश्यक आहे.
लेखकाबद्दलशुभम कुलकर्णीशुभम कुलकर्णी जवळपास 6 वर्षांपासून मराठी माध्यमांमध्ये काम करतोय. आकाशवाणी (छत्रपती संभाजीनगर) पासून माध्यम क्षेत्रात कामाला सुरुवात केली. एका मुखपत्रासह मुंबईतील नामांकित मराठी वृत्तवाहिन्यांमध्ये ‘बुलेटिन प्रोड्यूसर’ म्हणून जबाबदारी सांभाळली. शुभमला राजधानी दिल्लीतही बातमीवर संस्कार करण्याची संधी मिळाली. राजकारण, व्यापार-उद्योग, क्रीडा, तंत्रज्ञान, ऑटो या विषयावर लिहायला त्याला आवडतं. निसर्गाच्या सानिध्यात बसायला, फावल्या वेळेत चित्रपट, वेब सिरीज पाहाण्याचा शुभमचा छंद आहे.… आणखी वाचा
