केंद्र सरकारने एलपीजी आणि पीएनजी कनेक्शनविषयीचे नियम बदलले आहेत. इराणच्या युद्धामुळे आतापर्यंत या नियमांत बरेच बदल झाले आहेत. त्यामुळे या सर्व नियमांची माहिती ग्राहकांना, सामान्यांना असणे फार गरजेचे आहे.
गेल्या महिन्यात सरकारने एलपीजी कनेक्शनच्या नियमात मोठा बदल केला होता. ज्या व्यक्तीकडे पीएनजी कनेक्शन असेल त्या व्यक्तीला आता एलपीजी कनेक्शन वापरता येणार नाही. अशा ग्राहकाला आपले एलपीजी कनेक्शन परत करावे लागणार आहे.
तुमच्या घरात पीएनजी कनेक्शन असेल तर सरकारने घेतलेल्या नियमानुसार तुम्हाला 30 दिवसांच्या आत एलपीजी कनेक्शन सरेंडर करावे लागेल. त्याच्या बदल्यात तुम्हाला एलपीजी व्हाऊचर दिले जाणार आहे. या व्हाऊचरचा तुम्ही भविष्यात पुन्हा एलपीजी कनेक्शन घेण्यासाठी वापर करू शकता.
उदाहरणादाखल सांगायचे झाले तर एकाच घरात एलपीजी आणि पीएनजी कनेक्शन ठेवता येणार नाही. तुम्ही तुमच्या घरात पीएनजी कनेक्शन 6 जून रोजी घेतले तर पुढच्या तीस दिवसांत म्हणजेच 6 जुलै रोजीपर्यंत एलपीजी कनेक्शन सरेंडर करावे लागणार आहे.
तुम्हाला कनेक्शन सरेंडर करताना व्हाऊचरचा पर्याय देण्यात आल्याने भविष्यात तुम्ही शिफ्ट झाल्यावर त्याचा वापर करता येणार आहे. कोणत्याही अडचणीविना तुम्हाला परत एलपीजी कनेक्शन मिळणार आहे.
