विधान परिषद निवडणुकीचा निकाल पुढे आला. महायुतीचे या निकालात वर्चस्व बघायला मिळतंय. मात्र, नाशिकमधून एकनाथ शिंदे यांना धक्का देणारा निकाल आला. नाशिक विधान परिषदेचे जागा महायुतीमध्ये शिवसेना शिंदे गटाकडे आली. तिथे मोठी बंडखोरी झाली. थेट शिवसेना गीते बंधूनी बंडखोरी करत उमेदवारी अर्ज दाखल केले. त्यानंतर उदय सामंत आणि गिरीश महाजन यांनी दोन्ही गीते बंधूंना उमेदवारी अर्ज मागे घेण्याकरिता दबाव आणला. मात्र, यादरम्यान गोकुळ गीते नॉटरिचेबल राहिले आणि त्यांनी आपला उमेदवारी अर्ज कायम ठेवला. त्यानंतर गिरीष महाजन आणि उदय सामंत यांनी गोकुळ गीतेचे समजूत काढली. हेच नाही तर त्यांच्या घरी जाऊन चर्चाही केली. एकनाथ शिंदे यांनीही गोकुळ गीते यांच्यासोबत संवाद साधला. नाशिकची निवडणूक बिनविरोध करण्यात महायुतीला यश मिळाले नाही. गोकुळ गीते यांनी जरी प्रत्यक्षात प्रचार केला नसला तरीही पूर्ण फिल्डिंग सेट होती.
गोकुळ गीते हे भाजपा मंत्री गिरीश महाजन यांच्या अत्यंत जवळचे मानले जातात. हा महायुतीला नाही तर एकनाथ शिंदे यांना मोठा धक्का आहे. एकनाथ शिंदे यांनीही नरेंद्र दराडे यांच्या पराभवानंतर थेट माहिती मागवली आहे. नरेंद्र दराडे यांनी आपल्या पराभवानंतर म्हटले आहे की, एकनाथ शिंदे सोडले तर महायुतीच्या सर्व नेत्यांनी विश्वासघात केला.
अंधारात आपला पराभव केला, असेही नरेंद्र दराडे यांनी म्हटले. गिरीश महाजन यांनीही हा पराभव धक्कादायक म्हटले. याची चाैकशी केली जाईल म्हटले. अपक्ष उमेदवार गोकुळ गीते यांच्या विजयानंतर त्यांच्या कुटुंबियांनी मोठा आनंद व्यक्त केला. कार्यकर्त्यांकडून जल्लोष साजरा केला जात आहे. यादरम्यान नरेंद्र दराडे यांनी थेट गोकुळ गीतेंच्या कार्यकर्त्यांना शिवीगाळही केला.
गोकुळ गीते यांच्या विजयानंतर त्यांचे कुटुंबिय भावूक झाले. हेच नाही तर गोकुळ गीते यांच्या बहिणीला अश्रू अनावर झाले. त्यांची बहीण रडताना दिसली. मात्र, गोकुळ गीते यांच्या या विजनानंतर महायुतीतील नेत्यांच्या भूमिकेवरच प्रश्नचिन्ह उपस्थित केली जात आहेत. नरेंद्र दराडे यांनीही थेट आरोप केली आहेत.
