ओमराजे निंबाळकर यांनी शिवसेना ठाकरे गटातून बंडखोरी केली. फक्त ओमराजे निंबाळकरच नाही तर 6 खासदारांनी शिवसेना ठाकरे गटाला सोडचिठ्ठी दिली. पक्षाने व्हिप जारी केल्यानंतरही खासदार बैठकीला हजर झाले नाही. या 6 खासदारांनी आपला स्वतंत्र गट स्थापन केला. याबाबतचे पत्रही त्यांनी लोकसभा अध्यक्षांना दिले. काल या 6 खासदारांनी जाहीरपणे शिवसेना शिंदे गटात प्रवेश केला. थेट आपल्या मनातील भावनाही व्यक्त केला. वडील पवनराजे निंबाळकर यांच्या केसचा निकाल आपल्या बाजूने लागला नसल्याने ओमराजे निंबाळकर नाराज होते. हेच नाही तर यादरम्यान ते शिवसेना शिंदे गटात प्रवेश करणार नसल्याचेही सांगितले जात होते. मुंबईहून थेट पुण्यात ओमराजे निंबाळकर गेले. त्यानतंर ते धाराशिवमध्ये गेले आणि आपला निर्णय स्पष्ट केला. यादरम्यान त्यांनी कार्यकर्त्यांसोबतही चर्चा केली.
यादरम्यानच आता मोठी माहिती पुढे येत आहे. ज्यावेळी वडील पवनराजे निंबाळकर हत्या प्रकरणाचा निकाल लागला. त्यावेळी ओमराजे निंबाळकर यांना थेट उपमुख्यमंत्री एकनाथ शिंदे यांनी फोन केला. ओमराजे निंबाळकर यांना एकनाथ शिंदे यांनी फोन केला, त्यावेळी एकनाथ शिंदे हे अमित शाह यांच्या शेजारी बसले होते. कोल्हापूरमधील कार्यक्रमात होते.
शिंदे अमित शाह यांच्या दूर जाऊन फोनवर बोलतानाही दिसले. एकनाथ शिंदे आणि ओमराजे निंबाळकर यांच्यात नक्की काय बोलणे झाले, याबाबत मोठी माहिती पुढे येत आहे. पवनराजे निंबाळकर प्रकरणाचा निकाल लागताच एकनाथ शिंदे यांनी ओमराजे निंबाळकर यांना फोन केला. एकनाथ शिंदे तुमच्या पाठीशी कायम उभा हे.. शिवसेना देखील तुमच्यापाठीशी कायम खंबीरपणे आहे.
ओमराजे निंबाळकर यांना एकनाथ शिंदे यांनी दिलासा दिला. फक्त हेच नाही तर एकनाथ शिंदे यांनी थेट ओमराजे निंबाळकर आणि अमित शाह यांच्यातही बोलणे करून दिले. एकनाथ शिंदेंच्या घरी काल ओमराजे निंबाळकर यांच्यासोबत 5 खासदार पोहोचले होते. यावेळी त्यांनी जाहीर पक्षप्रवेश केला. हा अत्यंत मोठा धक्का उद्धव ठाकरे यांच्याकरिता म्हणावा लागेल.
