मी दोषी आढळलो तर सिद्धिविनायक मंदिरासमोर फासावर द्या..! एकनाथ शिंदेंच्यावर आरोपांवर बांदेकर भडकले | ताज्या मनोरंजन बातम्या

दोघी आढळलो तर मंदिरासमोर मला फासावर द्या असं म्हणत बांदेकरांनी संताप व्यक्त केला. ते म्हणाले, “कोणत्यातरी बातम्यांवर कोणतीतरी गोष्ट उगाच आपटून त्याला काही अर्थ नाही. जर खरंच त्यात काही आढळलं असेल तर साडेतीन वर्ष झालेली आहेत. या वर्षात कोण अध्यक्ष आहे हे सर्वांना माहिती आहे. मग त्यांनी त्या कागदात काही फेरफार केले असतील तर नवा संशय आणि त्याची चौकशी होणं आवश्यक आहे. जर त्यात कोणीही दोषी आढळलं अगदी मीही आढळलो तरी मला त्याच मंदिरासमोर फासावर द्या. पण उगाच खोटेनाटे आरोप करू नका.”

“सगळ्या गोष्टी अत्यंत स्पष्टपणे वेळोवेळी जाहीर केलेल्या आहेत, वेळोवेळी दाखवलेल्या आहेत आणि त्यावर विधी न्याय विभागाकडे सगळ्या गोष्टी दिलेल्या आहेत. जर काही चुकीचं असेल तर जरूर कारवाई करा. मी आता माऊलींच्या वारीमध्ये आहे मी इथून सांगतोय आमच्या कार्यकाळात एक जरी गोष्ट चुकीची घडली असेल तर मला फासावर द्या.”

बांदेकर पुडढे म्हणाले, “आणखी एक गोष्ट, उगाच धूर बघून आग लागली आहे असं काही करू नका. व्यवस्थित चोख कारभार करा. स्वत:चे गैरव्यवहार लपवण्यासाठी उगाच काहीतरी आरोप करून दिशाभूल करत राहायचं असं करू नका. जर काही चुकीचं आढळलं असेल तर पाहिजे ती कारवाई करा.”

“माझा सहा वर्षांचा कार्यकाळ होता. पहिले तीन वर्ष जनता पक्षाचेच सदस्य माझ्याबरोबर कार्यरत होते. त्यांनाही विचारा, ज्या ज्या मिटिंग झाल्या त्याचे सगळे कागदपत्र, त्याच्या मंजुऱ्या सगळं मंत्रालयात दिलेलं आहे. ते आता तुमच्याचकडे आहेत. त्यात तुम्ही काही फेरफार केलेले असतील तर मला माहिती नाही. पण खूप स्पष्ट कारभार तिथे झालेला आहे. एक जरी माझं स्वत:चं वाऊचर आढळलं तर माझ्यावर कारवाई करा. राम कृष्ण हरी. मी काहीही केलेलं नाहीये. गणपती बाप्पा मोरया.”

“सगळ्यात महत्त्वाची गोष्ट, मी शेवटच्या क्षणापर्यंत नाही तर आतासुद्धा गणपतीच्या डोळ्यात डोळे घालून बोलू शकतो इतकं स्पष्ट आणि स्वच्छ काम तिथे केलेलं आहे. उगाच कोणीतरी खोटे आरोप करू नयेत ही माझी विनंती आहे”, असंही आदेश बांदेकर म्हणाले.