मोटोरोलाने गेल्या आठवड्यात जी-सिरीजमध्ये मोटो जी37आणि मोटो जी37 पॉवर हे दोन नवीन स्मार्टफोन लाँच केले आणि दोन्ही मॉडेल्स 25 मे पासून विक्रीसाठी उपलब्ध झाले आहेत. दोन्ही फोनमध्ये मीडियाटेक प्रोसेसर असून ते अँड्रॉइड 16 ऑपरेटिंग सिस्टीमवर चालतात. हे स्मार्टफोन 10 हजार ते 20 हजार रुपयांपर्यंतचे बजेट असलेल्या ग्राहकांना लक्ष्य करतात. तुम्ही बँक कार्ड डिस्काउंटचा लाभ देखील घेऊ शकता ज्यामुळे हे फोन्स आणखी स्वस्तात खरेदी करता येतात. चला तर मग आजच्या लेखात या नवीन स्मार्टफोनच्या ऑफर लाभांबद्दल जाणून घेऊयात.
G37 हा फोन 4GB रॅम आणि 64GB स्टोरेजच्या एकाच व्हेरिएंटमध्ये येतो, ज्याची किंमत 13 हजार 999 रूपये आहे. हा फोन Pantone Capri आणि Pantone Impenetrable या दोन रंगांच्या पर्यायांमध्ये तुम्ही खरेदी करू शकता.
मोटो जी37 पॉवरची किंमत
हा फोन 4GB रॅम आणि 128GB स्टोरेज, आणि 8GB रॅम आणि 128GB स्टोरेज अशा दोन व्हेरिएंटमध्ये येतो. 4GB व्हेरिएंटची किंमत 15 हजार 999 रूपये आहे तर 8GB व्हेरिएंटची किंमत 18 हजार 999 रूपये आहे. हा फोन Pantone Nautical Blue, Pantone Impenetrable आणि Pantone Capri या तीन रंगांच्या पर्यायांमध्ये उपलब्ध आहे.
फ्लिपकार्ट ऑफर माहिती
मोटो G37 खरेदी करताना तुम्हाला फ्लिपकार्ट ॲक्सिस किंवा फ्लिपकार्ट एसबीआय कार्डवर 700 रूपयांची सूट मिळू शकते. G37 पॉवरबद्दल बोलायचे झाल्यास या फोनचा 8GB व्हेरिएंट या दोन्ही कार्डवर 950 रूपयांच्या सवलतीसह उपलब्ध आहे.
मोटो जी37 वैशिष्ट्ये
मीडियाटेक डायमेन्सिटी 6400 चिपसेटवर चालणाऱ्या या फोनमध्ये 120Hz रिफ्रेश रेट असलेला 6.6-इंचाचा HD+ LCD डिस्प्ले आहे. यात 120Hz टच सॅम्पलिंग रेट, 1050 nits पर्यंतची पीक ब्राइटनेस आणि कॉर्निंग गोरिला ग्लास 7i चे संरक्षण देखील आहे. 8-मेगापिक्सलच्या सेल्फी कॅमेऱ्यासह या फोनमध्ये मागील बाजूस 50MP चा प्रायमरी कॅमेरा आणि 2-इन-1 लाइट सेन्सर आहे. यात 5200mAh क्षमतेची बॅटरी आहे.
मोटो जी37 पॉवर स्पेसिफिकेशन्स
या हँडसेटमध्ये 120Hz टच सॅम्पलिंग रेट आणि 120Hz रिफ्रेश रेटसह 6.6-इंचाचा HD+ LCD डिस्प्ले आहे. यात 1050 nits पर्यंतची पीक ब्राइटनेस आणि कॉर्निंग गोरिला ग्लास 7i आहे. मीडियाटेक डायमेन्सिटी 6400 प्रोसेसरवर चालणाऱ्या या हँडसेटमध्ये 8-मेगापिक्सलचा फ्रंट कॅमेरा आणि 2-इन-1 लाइट सेन्सरसह 50-मेगापिक्सलचा रियर कॅमेरा आहे. यात 7000mAh क्षमतेची बॅटरी देखील आहे.
