बहुप्रतीक्षित विनोदी चित्रपट 'धमाल 4' आज 10 जुलै रोजी देशभरातील चित्रपटगृहांमध्ये प्रदर्शित झाला आहे. चित्रपटाच्या प्रदर्शनासोबतच निर्मात्यांनी 'पैसा लाओ' हे नवे गाणेही रिलीज केले असून, ते सोशल मीडियावर चांगलेच चर्चेत आले आहे. हे गाणे ऐकल्यानंतर अनेक प्रेक्षकांना लोकप्रिय वेबसीरिज 'मनी हाइस्ट'मधील गाजलेले 'बेला चाओ' गाणे आठवत असल्याच्या प्रतिक्रिया उमटत आहेत.
'पैसा लाओ' हे गाणे गायक नीरज श्रीधर यांनी गायले असून, गीतकार कुमार यांनी त्याचे बोल लिहिले आहेत. तनिष्क बागची आणि परम राज यांनी या गाण्याला संगीत दिले आहे. जोशपूर्ण संगीत, आकर्षक शब्द आणि धमाल सादरीकरणामुळे हे गाणे प्रेक्षकांना थिरकायला भाग पाडणारे ठरत आहे.
या गाण्यात चित्रपटाची कथाही प्रभावीपणे उलगडताना दिसते. आयुष्यात पैशाचे महत्त्व अधोरेखित करणाऱ्या या गाण्याला प्रेक्षकांकडून सकारात्मक प्रतिसाद मिळत असून, काहींनी विनोदी शैलीत हे गाणे दोनदा ऐकल्यानंतर 'बेला चाओ'ही विसरून जाल अशी प्रतिक्रिया दिली आहे.
धमाल 4 मध्ये अजय देवगण, अरशद वारसी, रितेश देशमुख, जावेद जाफरी, संजय मिश्रा यांच्यासह ईशा गुप्ता, संजीदा शेख, अंजली आनंद, उपेंद्र लिमये, विजय पाटकर आणि रवि किशन यांच्या महत्त्वपूर्ण भूमिका आहेत. सर्व वयोगटातील प्रेक्षकांना खळखळून हसवणारा मनोरंजनाचा अनुभव देण्याचा चित्रपटाचा प्रयत्न आहे.
महायुद्धादरम्यान
