उपमुख्यमंत्री एकनाथ शिंदे यांच्या शिवसेना पक्षात आज अखेर उबाटाच्या सहा बंडखोर खासदारांनी प्रवेश केला आहे. या यशवंतराव सेंटर येथे या बंडखोर खासदारांनी एकनाथ शिंदे यांच्या प्रमुख उपस्थितीत प्रवेश केला. त्यानंतर ईशान्य मुंबईचे खासदार संजय दिना पाटील यांनी पत्रकारांशी बोलताना आपली पहिली प्रतिक्रीया दिली आहे. शिवसेनेत मला एका व्यक्तीचा प्रॉब्लेम होता. त्याचामुळे मी हा पक्ष सोडल्याचा दावा यावेळी पाटील यांनी केला आहे.
मला एकाच व्यक्तीचा प्रॉब्लेम आहे. जो माझ्या तोंडासमोर गोड बोलायचा आणि मागून शिव्या द्यायचा असा आरोप संजय दिना पाटील यांनी यावेळी केला आहे. उद्धव ठाकरे यांनी काल भांडुपमध्ये येऊन येथील जनतेची माफी मागितली. त्याविषयावर बोलताना संजय दिना पाटील म्हणाले की हेच जर आधी केले असते मला त्रास देणाऱ्याला आणि मला एकत्र बसवून तोडगा काढला असता तर मी गेलोच नसतो आणि कोरम पूर्ण झाला नसता, यांना ताकदवान लोक नको आहे. यांना केवळ गुलाम लोक हवेत आहेत असेही संजय दिना पाटील यावेळी म्हणाले.
तुमचा रोख उद्धव ठाकरे यांच्याकडे आहे का ? असे विचारता त्यांनी उद्धव ठाकरे आणि त्यांची फॅमिली यांच्याविषयी माझी काही तक्रार नाही. त्यांनी मला मान दिला. आणि कोणीमाझ्यासाठी एक रुपयाचे केले तर मी त्याच्यासाठी शंभर रुपयांचे करतो हे सर्वांना माहिती आहे. मला केवळ एकाच व्यक्तीचा त्रास होतो. स्टेजवर बसून शिव्या देऊ लागले. तो शाखाप्रमुखांना सांगायचा माझ्याकडे जाऊ नको. आणि वर तक्रार करायचा हा संघटनेच्या कार्यक्रमाला येत नाही अशीही तक्रार यावेळी संजय दिना पाटील यांनी केली. संजय राऊत यांच्याबद्दल राग आहे का ? असे विचारले असताना संजय राऊत यांचा मला काही प्रॉब्लेम नाही. ठाकरे फॅमिलीशी कुणाशीच प्रॉब्लेम नाही. संजय राऊत यांना बोलण्याचा अधिकार आहे. मला त्यांनी २००४ मध्ये आमदार बनवण्यात मदत केली. नंतर किरिट सोमय्याच्या विरोधात लोकसभा लढताना मदत केली. मला एकाच व्यक्तीचा प्रॉब्लेम होता असेही त्यांनी सांगितले.
माझ्या घरात सर्वांना स्वत:चा निर्णय घ्यायचा अधिकार
राजुल पाटील या उबाटात राहाणार आहेत त्यासंदर्भात विचारले असता संजय दिना पाटील म्हणाले की माझ्या घरात सर्वांना स्वत:चा निर्णय घ्यायचा अधिकार आहे. त्यांना त्यांच्या धंदा काय करायचा ते त्यांनी ठरवायचे आहे. कुठल्या पक्षात काय काम करायचे आहे हे त्यांनी ठरवयाचे आहे. माझा पुतण्या बीजेपीचा कार्यकर्ता आहे. माझी सुनबाई बीजेपीची नगरसेविका आहे.एकाच घरात राहातो एकाच किचनमध्ये जेवतो. माझ्या मुलीने जर ठरले की मला तिथे रहायचे आहे. त्यात प्रॉब्लेम काय, सर्वांना आपले आपले आहे असेही संजय दिना पाटील यावेळी म्हणाले.
व्हिडीओ येथे पाहा –
