उपमुख्यमंत्री एकनाथ शिंदे आज दिल्ली दाैऱ्यावर आहेत. अगोदर शरद पवार यांच्यासोबत बैठक आणि त्यानंतर आज थेट दिल्ली दाैऱ्यावर एकनाथ शिंदे निघाले आहेत. केंद्रीय मंत्रिमंडळ विस्तारापूर्वी एकनाथ शिंदे यांच्या या दाैऱ्याला महत्व प्राप्त झाले. मुख्यमंत्री देवेंद्र फडणवीस देखील दिल्ली दाैऱ्यावर होते. यादरम्यान त्यांची अमित शाह यांच्यासोबत बैठक झाली. कॅबिनेट मंत्रिमंडळ विस्तारापूर्वी दिल्ली घडामोडींना वेग येत आहे. आज एकनाथ शिंदे भारतीय जनता पार्टीच्या ज्येष्ठ नेत्यांच्या गाठीभेट घेणार असल्याची माहिती मिळत आहे. ऑपरेशन टायगरनंतर एकनाथ शिंदे यांचा हा पहिलाच दिल्ली दाैरा आहे. शिवसेना ठाकरे गटाच्या 6 खासदारांनी मोठी बंडखोरी केली. या खासदारांनी शिवसेना शिंदे गटात प्रवेश केला. 6 खासदारांपैकी दोन जणांच्या गळ्यात केंद्रीय मंत्रिपदाची माळ पडणार आहे. यासोबतच श्रीकांत शिंदे देखील केंद्रीय मंत्री होणार आहेत.
एकनाथ शिंदे यांच्या दिल्ली दाैऱ्याकडे राज्याच्या नजरा लागल्या आहेत. ऑपरेशन टायगर एकनाथ शिंदे यांचे यशस्वी झाले. नरेंद्र मोदी आपल्या कॅबिनेट मंत्रिमंडळाचा विस्तार करणार आहेत. त्याच ज्या केंद्रीय मंत्र्यांची कामगिरी चांगली राहिली नाही, अशांना नारळ दिले जाईल. श्रीकांत शिंदे यांच्यासोबतच ठाकरे गटातून बंडखोरी केलेल्या 2 खासदारांना केंद्रीय मंत्रिपद मिळणार आहे.
धाराशिवचे खासदार ओमराजे निंबाळकर आणि परभणीचे खासदार संजय ऊर्फ बंडू जाधव यांना केंद्रीय मंत्रिपद मिळणार असल्याची चर्चा आहे. लवकरच केंद्रीय मंत्रिमंडळाचा विस्तार होणार आहे. त्यापूर्वीच एकनाथ शिंदे दिल्ली दाैऱ्यावर आहेत. त्यांच्या दिल्ली दाैऱ्यात भाजपा नेत्यांच्या भेटीगाठी असून मंत्रिपदाची नावे फायनल होतील, असे सांगितले जातंय.
देवेंद्र फडणवीस केंद्रात जाणार असल्याची जोरदार चर्चा रंगताना दिसतंय. हेच नाही तर पुन्हा एकदा एकनाथ शिंदे मुख्यमंत्री होतील, असेही सांगितले जात आहे. मात्र, यावर भाजपाकडून काही भाष्य करण्यात आले नाही. केंद्रीय मंत्रिमंडळाच्या विस्तारात दिल्ली घडामोडींना वेग आला. राघव चड्ढा यांनाही केंद्रात मंत्रिपद मिळण्याची शक्यता आहे. आम आदमी पक्षातून त्यांनीही मोठी बंडखोरी केली.
