2026 मध्ये अनेक स्मार्टफोन उत्पादकांनी त्यांच्या स्मार्टफोनच्या किमती वाढवल्या आहेत. या दरवाढीमागे मेमरी घटकांचा जागतिक तुटवडा हे कारण असल्याचा दावा केला जातोय. अशातच अलीकडेच विवो कंपनीने त्यांच्या वाय (Y) सीरीजमधील चार स्मार्टफोनच्या किमती वाढवण्यात आल्या आहेत. विवो व्ही70 (Vivo V70) आणि विवो व्ही70 एलिट (Vivo V70 Elite) व्यतिरिक्त विवो वाय21 (Vivo Y21) आणि विवो वाय400 (Vivo Y400) यांच्याही किमती वाढवण्यात आल्या आहेत.
टिपस्टर यांनी मायक्रोब्लॉगिंग प्लॅटफॉर्म ‘एक्स’वर एक पोस्ट शेअर केली आहे, ज्यात सांगितलं आहे की Vivo V70 Elite, Vivo V70, Vivo Y400 आणि Vivo Y21 यांच्या किमती वाढल्या आहेत. या स्मार्टफोन्सच्या किमतीत 1 हजार ते 4 हजारा पर्यंत वाढ करण्यात आली आहे. हे लक्षात घेण्यासारखे आहे की बजेट सेगमेंटमध्ये कोणतीही दरवाढ झालेली नाही, परंतु कंपनीने मिड-रेंज आणि फ्लॅगशिप स्मार्टफोन्सच्या किमती वाढवल्या आहेत. चला तर मग आजच्या लेखात आपण जाणून घेऊयात की कोणत्या हँडसेटच्या किमती वाढवल्या आहेत.
विवो व्ही70 एलिट या स्मार्टफोनच्या किमतीत वाढ
टिपस्टरच्या माहितीनुसार या फोनचा 8 जीबी रॅम आणि 256 जीबी स्टोरेज व्हेरिएंटची लाँच किंमत 54 हजार 999 रूपये होती. मात्र आता दरवाढीनंतर या व्हेरिएंटची किंमत 58 हजार 999 रुपये झाली आहे. तर 12 जीबी रॅम आणि 256 जीबी स्टोरेज व्हेरिएंटची किंमत 59 हजार 999 रुपयांवरून 63 हजार 999 रूपये इतकी वाढ झाली आहे.
विवो व्ही70 ची किंमत
या विवो स्मार्टफोनचा 8GB रॅम/256GB व्हेरिएंट लाँच किंमत 49 हजार 999 रुपये इतकी होती. त्यात कंपनीने केलेल्या दरवाढीनंतर या फोनची किंमत 53 हजार 999 रुपये इतकी झाली आहे. तर 12GB रॅम/256GB स्टोरेज व्हेरिएंट 53 हजार 999 रुपयांऐवजी 56 हजार 999 रुपयांना खरेदी करता येणार आहे.
विवो Y21 ची किंमत
या विवो स्मार्टफोनचा 6 जीबी रॅम आणि 128 जीबी स्टोरेज व्हेरिएंट खरेदी करण्यासाठी तुम्हाला आता 20 हजार 999 रुपयांऐवजी 21हजार 999 रुपये खर्च करावे लागतील.
विवो Y400 ची किंमत
हा फोन 8GB रॅम आणि 128GB स्टोरेज, आणि 8GB रॅम आणि 256GB स्टोरेज या दोन व्हेरिएंटमध्ये येतो. 128GB व्हेरिएंटची किंमत 28 हजार 999 रूपयां ऐवजी 31 हजार 999 रूपये इतकी झाली आहे. तर 256GB व्हेरिएंटची किंमत 31 हजार 999 रूपयांऐवजी 34 हजार 999 रूपयांमध्ये उपलब्ध होईल.
गॅजेट्स 360 नुसार विवोच्या वेबसाइटवर सर्व स्मार्टफोन्स नवीन किमतींसह सूचीबद्ध आहेत. तथापि कंपनीने अद्याप अधिकृतपणे दरवाढीची घोषणा केलेली नाही.
