NCP Sunetra Pawar : सुनेत्रा पवारांवर काँग्रेसचा बोचरा वार, राष्ट्रवादीनं थेट इंदिरा गांधींच नाव घेतलं, ”महिला नेतृत्वावर…” | महाराष्ट्र बातम्या

राष्ट्रवादीचा पलटवार…

राष्ट्रवादी काँग्रेस अजित पवार गटाचे प्रवक्ते उमेश पवार यांनी म्हटले की, ‘गुंगी गुढिया’ हा शब्दप्रयोग प्रथमच ऐकायला मिळालेला नाही. माजी पंतप्रधान इंदिरा गांधी यांच्या राजकीय कारकिर्दीच्या सुरुवातीच्या काळात त्यांच्या विरोधकांकडून त्यांच्यावर अशाच प्रकारची टीका करण्यात आली होती. मात्र इंदिरा गांधी यांनी कोणालाही शब्दांनी नव्हे, तर आपल्या कर्तृत्वाने उत्तर दिले. आज प्रश्न असा निर्माण होतो की, ज्या शब्दप्रयोगाला काँग्रेसने त्या काळात अन्यायकारक व महिलेचा अवमान करणारी टीका मानले होते, त्याच शब्दप्रयोगाचा वापर आज काँग्रेस स्वतः एका महिला लोकप्रतिनिधीविरुद्ध का करत आहे? असा सवाल त्यांनी केला.

इंदिरा गांधी यांच्यावरील त्या काळातील टीका योग्य होती हे काँग्रेस आज अप्रत्यक्षपणे मान्य करत आहेत का, असा प्रश्नही त्यांनी केला. हा प्रश्न केवळ एका पक्षाचा नाही; तर सार्वजनिक जीवनातील महिलांविषयीच्या राजकीय संस्कृतीचा असल्याचे पाटील यांनी म्हटले. राष्ट्रवादी काँग्रेस पक्ष काँग्रेसने संबंधित शब्दप्रयोग मागे घ्यावा आणि सार्वजनिक जीवनात सन्मानपूर्वक राजकीय संवादाची परंपरा जपावी, अशी अपेक्षाही त्यांनी व्यक्त केली.