फ्रिज स्वच्छ करायला अनेकदा तासनतास लागतात. पण रासायनिक क्लीनर्स वापरण्याऐवजी, स्वयंपाकघरातील काही मोजक्या वस्तू वापरून फक्त 5 मिनिटांत फ्रिज स्वच्छ करण्यास मदत करणारा स्प्रे बनवता आला तर? असं झाल्यास पैसे देखील वाचतील आणि फ्रिज देखील साफ होईल… सर्वात महत्त्वाचं सांगायचं झालं म्हणजे, आता फ्रिज नसलेली घरे खूपच कमी आहेत. फ्रिज हे एक इलेक्ट्रॉनिक उपकरण आहे जे आपल्या घरात दिवस-रात्र सतत चालू असते. त्यात घन पदार्थ ठेवले जात असल्यामुळे, रेफ्रिजरेटरमध्ये डाग पडण्याची आणि दुर्गंधी येण्याची दाट शक्यता असते. पण काही लोकांना रोज रेफ्रिजरेटर स्वच्छ करायला आवडत नाही.
रेफ्रिजरेटर स्वच्छ करायला अनेकदा तासनतास लागतात आणि आजच्या धावपळीच्या जगात ते शक्य नाही. पण तुम्हाला माहित आहे का की, तुम्ही फक्त 5 मिनिटांत रेफ्रिजरेटर स्वच्छ करू शकता? रासायनिक क्लीनर्स वापरण्याऐवजी, जर तुम्ही स्वयंपाकघरातील काही साध्या वस्तू वापरून एक असा स्प्रे बनवला, जो तुम्हाला फक्त 5 मिनिटांत रेफ्रिजरेटर स्वच्छ करण्यास मदत करेल तर?
स्प्रे बनवण्यासाठी लागणारं साहित्य…
गरम पाणी – 2 कप
पांढरा व्हिनेगर – 1 कप
बेकिंग सोडा – 2 मोठे चमचे
लिंबाचा रस किंवा सुगंधी तेल
स्प्रे तयार करण्याच प्रक्रिया…
तुम्ही आधी बाजूला ठेवलेल्या दोन कप गरम पाण्यात एक कप पांढरा व्हिनेगर घाला. व्हिनेगर फ्रिजमधील कठीण डाग विरघळवण्यास मदत करतं. यात हळूहळू दोन मोठे चमचे बेकिंग सोडा घाला. मोठ्या भांड्यात मिसळणं उत्तम आहे, कारण बेकिंग सोडा टाकल्यावर त्याच्या गुठळ्या होऊ शकतात. बेकिंग सोडा दुर्गंधी पूर्णपणे काढून टाकण्यास मदत करतो.
फ्रिजमध्ये लिंबाचा छान सुगंध येण्यासाठी, थोडा लिंबाचा रस किंवा तुमचे आवडते इसेन्शियल ऑइल घालून चांगले मिसळा. थंड झाल्यावर, हे मिश्रण एका स्प्रे बॉटलमध्ये भरा आणि चांगले हलवा. तुमचा फ्रिज साफ करण्याचा स्प्रे तयार आहे.
क्लिनिंग स्प्रेने फ्रिज कसा स्वच्छ करावा?
साफसफाई करण्यापूर्वी फ्रिज बंद करायला विसरू नका. फ्रिजचा प्लग काढा, मग त्यातील खाद्यपदार्थ आणि ट्रे बाहेर काढा. आता, तयार केलेला स्प्रे फ्रिजच्या आतल्या बाजूला आणि डाग असलेल्या भागांवर लावा. तो दोन मिनिटे तसाच राहू द्या. त्यानंतर, मायक्रोफायबर कापडाने किंवा मऊ स्पंजने फ्रिजचा आतील भाग पूर्णपणे पुसून घ्या. ज्यामुळे फ्रिजवरील सर्व डाग खूप लवकर निघून जातील.
स्वच्छ केल्यानंतर, आतील भाग पूर्णपणे कोरडा होऊ द्या. त्यानंतर, तुम्ही वस्तू परत आत ठेवून फ्रिज चालू करू शकता. तुम्ही आठवड्यातून एकदा या स्प्रेने तुमचा फ्रिज स्वच्छ करू शकता. असं केल्याने जिवाणूंचा प्रादुर्भाव टाळण्यास आणि अन्न अधिक काळ ताजे ठेवण्यास मदत होईल.
