Amravati: हॉटेलमध्ये कार घुसवली, मुलगा अन् सुनेला चिरडण्याचा प्रयत्न, धडकी भरवणारा प्रकार CCTV कॅमेऱ्यात कैद | महाराष्ट्र बातम्या

हॉटेलसमोरच थरार, दोघे थोडक्यात बचावले

मिळालेल्या माहितीनुसार, आरोपी सासरे जमा खान यांचे त्यांच्या कुटुंबासोबत कौटुंबिक वाद सुरू होते. याच वादातून जमा खान यांनी हॉटेलसमोर उभी असलेली आपली चारचाकी गाडी वेगात आणून मुलगा आणि सुनेच्या अंगावर घालण्याचा प्रयत्न केला.ही गाडी थेट हॉटेल आणि कंपाउंडवर जाऊन धडकली, ज्यामध्ये हॉटेलचे मोठे नुकसान झाले आहे. सुदैवाने या जीवघेण्या हल्ल्यातून मुलगा आणि सून थोडक्यात बचावले, मात्र सून अश्विनी खान यांच्या दोन्ही पायांना आणि कमरेला गंभीर दुखापत झाली आहे.

घटना सीसीटीव्हीत कैद

ही संपूर्ण घटना हॉटेलच्या परिसरात लावण्यात आलेल्या सीसीटीव्ही कॅमेऱ्यात कैद झाली आहे. ज्यामध्ये आरोपी कार थेट सून आणि मुलाच्या दिशेने येताना आणि धडकवताना स्पष्ट दिसत आहे. हा व्हिडिओ समोर आल्यानंतर परिसरात खळबळ उडाली आहे.