ट्राय ए 2026 सीरिजमधील पाचव्या सामन्यात टीम इंडिया विरुद्ध अफगाणिस्तान आमेनसामने असणार आहेत. भारतीय संघांचा हा साखळी फेरीतील चौथा आणि शेवटचा सामना असणार आहे. तर अफगाणिस्तानचा हा तिसरा सामना असणार आहे. तसेच दोन्ही संघांची ही या मालिकेत आमनेसामने येण्याची दुसरी वेळ आहे. भारताने या मालिकेत विजयी सलामी दिली. मात्र त्यानंतर भारताला सलग 2 सामने गमवावे लागले. त्यामुळे आता टीम इंडियाला अंतिम फेरीतील आव्हान कायम राखण्यासाठी कोणत्याही स्थितीत अफगाणिस्तान विरूद्धच्या सामन्यात जिंकावं लागणार आहे. त्यामुळे या सामन्याकडे भारतीय चाहत्यांचं बारीक लक्ष असणार आहे. या सामन्याबाबतची महत्त्वाची माहिती जाणून घेऊयात.
इंडिया ए विरुद्ध अफगाणिस्तान ए सामना कधी?
इंडिया ए विरुद्ध अफगाणिस्तान ए सामना बुधवारी 17 जून रोजी होणार आहे.
इंडिया ए विरुद्ध अफगाणिस्तान ए सामना कुठे?
इंडिया ए विरुद्ध अफगाणिस्तान ए सामना रंगिरी दांबुला स्टेडियम इथे होणार आहे.
इंडिया ए विरुद्ध अफगाणिस्तान ए सामन्याला किती वाजता सुरुवात होणार?
इंडिया ए विरुद्ध अफगाणिस्तान ए सामन्याला भारतीय वेळेनुसार सकाळी 10 वाजता सुरुवात होणार आहे. तर 9 वाजून 30 मिनिटांनी टॉस होणार आहे.
इंडिया ए विरुद्ध अफगाणिस्तान ए सामना टीव्हीवर कुठे पाहता येईल?
इंडिया ए विरुद्ध अफगाणिस्तान ए सामना टीव्हीवर सोनी स्पोर्ट्स नेटवर्कवरील चॅनेल्सवर पाहायला मिळेल.
इंडिया ए विरुद्ध अफगाणिस्तान ए सामना मोबाईलवर कुठे पाहायला मिळेल?
इंडिया ए विरुद्ध अफगाणिस्तान ए सामना मोबाईलवर सोनी लिव्ह एपद्वारे लाईव्ह पाहायला मिळेल.
पहिल्या 3 सामन्यांत काय झालं?
भारताने 9 जून रोजी श्रीलंकेच्या तोंडातील विजयाचा घास हिसकावत 2 गुण कमावले. भारताने श्रीलंकेसमोर 278 धावांचं आव्हान ठेवलं. श्रीलंकेने जोरदार लढा दिला. त्यामुळे सामना रंगतदार स्थितीत पोहचला होता. मात्र भारतीय गोलंदाजांनी चिवट बॉलिंग केली आणि श्रीलंकेला 7 बॉलआधी गुंडाळलं. भारताने श्रीलंकेला 269 रन्सवर ऑलआऊट केलं. भारताने अशाप्रकारे 8 धावांनी सामना जिंकला.
अफगाणिस्तान विरुद्ध पराभव
भारताने अफगाणिस्तान विरुद्ध 49 ओव्हरच्या सामन्यात 349 धावा केल्या. मात्र पावसाने पुन्हा खोडा घातला. अफगाणिस्तानने पावसामुळे खेळ थांबला तोवर 25.5 ओव्हरमध्ये 2 विकेट्स गमावून 177 रन्स केल्या होत्या. तसेच डीएलएसनुसार निकाल लावण्यात आला त्या क्षणी अफगाणिस्तान टीम इंडियापेक्षा 4 धावांनी पुढे होती. अशाप्रकारे अफगाणिस्तानने डीएलएसनुसार 4 धावांनी सामना जिंकला.
श्रीलंकेविरुद्ध सुपर ओव्हरमध्ये पराभव
भारताला 15 जूनला श्रीलंकेविरुद्ध सुपर ओव्हरमध्ये पराभूत व्हावं लागलं. श्रीलंकेने यासह पहिल्या पराभवाची परतफेड केली. भारताचं या पराभवामुळे अंतिम फेरीच्या हिशोबाने टेन्शन वाढलं आहे. त्यामुळे आता ब्लु आर्मी अफगाणिस्तान विरुद्ध सामना जिंकून आपलं आव्हान कायम राखणार का? हे निकालानंतरच स्पष्ट होईल.
