भारतीय यष्टीरक्षक-फलंदाज ऋषभ पंत श्रीलंकेविरुद्धच्या पहिल्या कसोटीच्या पहिल्या डावात फलंदाजीने कोणताही विशेष प्रभाव न पाडता पॅव्हेलियनमध्ये परतला. पंतने पहिल्या डावात 62 चेंडूंमध्ये चार चौकार आणि एका षटकारासह 39 धावा केल्या. पहिल्या डावात फलंदाजी करताना पंत चांगलाच स्थिरावलेला दिसत होता, पण एक खराब फटका खेळल्यामुळे तो बाद झाला. पंतच्या या बेजबाबदार बाद होण्यानंतर, भारताचा माजी खेळाडू याने एक विधान केले ज्याची फार चर्चा होत आहे.
मोहम्मद कैफने ऋषभ पंतला सुनावलं
भारताचा माजी फलंदाज मोहम्मद कैफने ऋषभ पंतच्या खराब फटकेबाजीच्या निवडीवर प्रश्नचिन्ह उपस्थित केले. सोनी स्पोर्ट्सवर बोलताना कैफ म्हणाला, “पंत ज्या प्रकारे बाद झाला त्याबद्दल माझी कोणतीही तक्रार नाही. ती फक्त त्याची खेळण्याची शैली आहे, पण मला त्याच्या सारासार विचाराबद्दल तक्रार आहे. ते नव्या चेंडूचे पहिलेच षटक होते. त्या षटकात त्याने तीन वेळा उडी मारली. हा कॉमन सेन्सचा प्रश्न आहे, कट शॉट खेळणे. पाच ते सहा षटके नवीन चेंडूवर लक्ष ठेवणे ही कसोटी सामन्यांची परंपरा आहे. जो कोणी त्याच्यासारखा खेळतो, तो सामान्य ज्ञानाचा वापरही करतो.”
चुकीचा शॉट खेळल्यामुळे ऋषभ पंत बाद झाल्यानंतर, मोहम्मद कैफने त्याच्या क्रिकेटच्या समजेवर प्रश्नचिन्ह उपस्थित केले. कैफ म्हणाला, “षटकाच्या पहिल्याच चेंडूवर त्याने उडी मारल्याचे पाहून मला आश्चर्य वाटले. मला काही आकडेमोड करावी लागली. एखादा फलंदाज 150 धावांवर असला तरी, नवीन चेंडू आल्यानंतर तो स्वतःला थोडा वेळ देतो. तो तर्क आणि क्रिकेटच्या जाणिवेत खूप मागे पडला आहे.”
भारतीय यष्टीरक्षक-फलंदाज ऋषभ पंतही मागील सराव सामन्यात श्रीलंका क्रिकेट इलेव्हनविरुद्ध अपयशी ठरला. पहिल्या डावात केवळ 2 धावांवर बाद झाल्यानंतर, त्याने दुसऱ्या डावात 28 धावा केल्या, पण त्याचे मोठ्या धावसंख्येत रूपांतर करण्यात तो अपयशी ठरला. पंतला प्रत्येक सामन्यात चांगली सुरुवात मिळत आहे, पण तो त्याचे मोठ्या धावसंख्येत रूपांतर करू शकत नाही आणि त्यामुळेच अंतिम 11 खेळाडूंमधील त्याच्या स्थानावर प्रश्नचिन्ह निर्माण झाले आहे. आता धावांच्या अभावी पंत आपल्या खेळात बदल करतो की नेहमीच्याच शैलीत खेळत राहतो, हे पाहणे बाकी आहे.
