रिलायन्स जिओने 200 रुपये किमतीचा एक नवीन ओटीटी पास सादर केला आहे. हा पास खरेदी केल्यावर तुम्हाला 15 प्रीमियम ओटीटी ॲप्स, 1 हजाराहून अधिक लाईव्ह टीव्ही चॅनेल्स, अनलिमिटेड 5जी आणि 30 जीबी डेटा मिळेल. तुम्ही हा जिओ ओटीटी पास कंपनीच्या वेबसाइटवरून, मायजिओ ॲपवरून ऑनलाइन किंवा जिओ स्टोअर्सवर ऑफलाइन खरेदी करू शकाल. हा ओटीटी पास एक ऑल-इन-वन मनोरंजन आणि कनेक्टिव्हिटी प्लॅन म्हणून तयार करण्यात आला आहे. 200 रुपये किमतीच्या या नवीन जिओ ओटीटी पासमध्ये दरमहा 1 हजार 500 रुपयांचे फायदे मिळतात. येथे एक गोष्ट लक्षात घेण्यासारखी आहे की, हा ओटीटी पास ॲक्टिव्हेट करण्यासाठी तुमच्या नंबरवर एक बेस प्लॅन ॲक्टिव्ह असणे आवश्यक आहे.
जिओ 200 ओटीटी पासचे फायदे
रिलायन्स जिओचा हा नवीन ओटीटी पास एक 28-दिवसांचा पॅक आहे, जो वापरकर्त्याच्या बेस प्लॅनच्या वैधतेदरम्यान 15 प्रीमियम ओटीटी ॲप्स, जिओटीव्हीद्वारे 1000 हून अधिक लाईव्ह टीव्ही चॅनेल्स, 30 जीबी हाय-स्पीड डेटा आणि अनलिमिटेड 5जी चा ॲक्सेस मिळतो.
YouTube Premium सह, तुम्हाला टीव्ही, टॅबलेट आणि मोबाईलवर जाहिरातमुक्त पाहण्याची सुविधा, बॅकग्राउंड प्ले आणि ऑफलाइन डाउनलोड मिळतात.
JioHotstar Mobile सोबत तुम्हाला हॉलीवूड, थेट क्रीडा कार्यक्रम, Hotstar Originals आणि ब्लॉकबस्टर हॉलीवूड कंटेंटचा आनंद घेता येईल.
प्राइम व्हिडिओ मोबाईल एडिशनमुळे तुम्ही मोबाईलवर प्राइम व्हिडिओ पाहू शकाल.
JioTV द्वारे आणखी 12 OTT ॲक्सेस करता येतील, ज्यामध्ये ZEE5, SonyLiv, Discovery+, Lionsgate Play, FanCode, Sun NXT, Planet Marathi, Kanccha Lanka यांचा समावेश आहे.
होइचोई, चौपाल, टाइम्सप्ले आणि तरंग प्लस यांचा समावेश आहे.
थेट टीव्हीचा देखील फायदा
JioTV वर 1000 हून अधिक लाईव्ह टीव्ही चॅनेल्स उपलब्ध आहेत, ज्यामध्ये प्रमुख ब्रॉडकास्टर्सच्या 150 हून अधिक पेड चॅनेल्सचा समावेश आहे.
जिओस्टारचे स्टार प्लस एचडी, कलर्स एचडी आणि इतर मनोरंजन व मुव्ही चॅनेल.
सोनी एंटरटेनमेंटचे सेट एचडी, सोनी सब एचडी आणि इतर अनेक.
सन टीव्ही एचडी, केटीवी एचडी आणि सन टीव्ही नेटवर्कचे इतर मनोरंजन, चित्रपट आणि संगीत चॅनेल.
