पुणेकरांनो, हॉटेल्स-रेस्टॉरंटमध्ये आवडीनं खाताय? आरोग्याशी खेळताय, FDA ची पुन्हा मोठी कारवाई, 5 जणांना अटक | पुणे बातम्या (Pune News)

आरोग्याशी खेळणाऱ्या तब्बल १२ नामांकित हॉटेल्स, रेस्टॉरंट्स आणि बेकरींचे परवाने प्रशासनाने तात्काळ निलंबित केले आहेत. अनेक हॉटेल्सच्या किचनमध्ये प्रचंड अस्वच्छता, मुदतबाह्य अन्नपदार्थांचा साठा आणि अन्न सुरक्षा व मानके कायद्याचे सर्रास उल्लंघन होत असल्याचे या छाप्यात उघडकीस आले. या बेजबाबदारपणामुळे नागरिकांच्या आरोग्याला मोठा धोका निर्माण झाला होता.

या विशेष मोहिमेदरम्यान चिंचवड, पंढरपूर आणि सातारा जिल्ह्यातील वडूज येथे तीन वेगवेगळ्या आस्थापनांवर छापे टाकण्यात आले. या कारवाईत तब्बल ३ लाख ४८ हजार ७८ रुपयांचा बेकायदेशीर व प्रतिबंधित अन्नपदार्थांचा साठा जप्त करण्यात आला आहे. केवळ परवाने निलंबित करून प्रशासन थांबलेले नाही, तर याप्रकरणी संबंधित मालकांवर गंभीर गुन्हे दाखल करण्यात आले असून ५ जणांना अटक करण्यात आली आहे. बाहेर खाताना आरोग्याची काळजी घेणे किती गरजेचे आहे, हेच या कारवाईवरून स्पष्ट होत आहे.