Maruti Suzuki चा दुसरा धक्का! ऑगस्टमध्ये पुन्हा वाढतील किंमती, 30 हजार रुपयांपर्यंत महाग होतील गाड्या  | ऑटो

मारुती सुझुकी ऑगस्ट 2026 पासून आपल्या एंट्री लेव्हल S-Presso पासून प्रीमियम एमपीव्ही Invicto पर्यंत सर्व मॉडल्सच्या किंमती वाढवेल. वाढीची रक्कम मॉडलच्या आधारे वेगवेगळी असेल आणि जास्तीत जास्त 30 हजार रुपयांपर्यंत केली जाऊ शकते. कंपनीने स्पष्ट केलंय की, हा निर्णय निरंतर वाढत्या इनपुट खर्चाला पाहून घेतला आहे.

कंपनीनुसार, कच्च्या मालाचा खर्च, वस्तूंच्या किमती आणि महागाईचा दबाव यामुळे खर्चाची परिस्थिती प्रतिकूल बनली आहे. पश्चिम आशियामध्ये चालू असलेल्या संघर्षानंतर कमोडिटी किंमतींमत वाढ झाली. ज्याचा परिणाम इनपूट खर्चावर झाला. मारुतीने गेल्या काही महिन्यात खर्च कमी करण्यासाठी अतिरिक्त उपाय बनवले आहेत. तरीही, मर्यादित वाव असल्यामुळे आता अंशतः दरवाढ अपरिहार्य झाली आहे.

मारुतीने यावर्षी किंमती वाढवण्याची ही पहिलीच वेळ नाही. मे 2026 मधील घोषणेनंतर जूनमध्येही किंमतीत 30 हजार रुपयांपर्यंत वाढ झाली होती. त्यावेळीही प्रोडक्शनसाठी लागणाऱ्या खर्चात झालेली वाढ आणि महागाई हीच कारणं दिली होती. ऑगस्ट महिन्यातील ही दरवाढ म्हणजे कंपनीने आपल्या संपूर्ण उत्पादनांच्या श्रेणीसाठी केलेली दुसरी दरवाढ आहे.

किंमती वाढूनही मारुतीची विक्री सध्याच्या महिन्यांमध्ये स्थिर राहिली आहे. जून 2026 मध्ये कंपनीने 2,00,390 यूनिट्स विकले, ज्यात 1,50,150 यूनिट्स देशांतर्गत बाजारात आणि 42,768 यूनिट्सचा एक्सपोर्ट होता. मे 2026 मध्ये तर कंपनीने आपला ऑलटाइम मंथली रेकॉर्ड बनवला होता. 2,42,688 यूनिट्सची विक्री केली होती. ज्यात डोमेस्टिक रिटेल सेल  1,93,535 यूनिट्स होता.