नथिंग कंपनीने त्यांचा नवीन ‘B’ सीरीजमधील पहिला स्मार्टफोन, Nothing Phone 4b लाँच केला आहे, ज्यामुळे भारतातील कंपनीच्या स्मार्टफोन पोर्टफोलिओचा विस्तार झाला आहे. तर हा फोन 29 हजार 999 रूपयांच्या सुरुवातीच्या किमतीत भारतीय बाजारपेठेत सादर करण्यात आलेला आहे. तसेच ग्राहकांना जास्त किंमत न मोजता नथिंग फोनचा अनुभव घेता यावा, हा यामागील उद्देश आहे. या डिव्हाइसमध्ये क्वालकॉम स्नॅपड्रॅगन प्रोसेसर, एक नव्याने डिझाइन केलेला ग्लिफ बार आणि 6000mAh बॅटरी आहे. अँड्रॉइड 16 वर चालणारा हा फोन नथिंग ओएस 4.1 या कस्टम स्किनसह येतो. याला तीन वर्षांसाठी ओएस अपग्रेड आणि सहा वर्षांसाठी सुरक्षा अपडेट्स मिळतील.
तर या फोनच्या मागील बाजूस ग्लाइफ बार इंटरफेस आहे, ज्यामध्ये 45 मिनी-एलईडी आहेत. यात स्वतंत्रपणे नियंत्रित करता येणारे चार झोन, एक रेकॉर्डिंग लाइट, ग्लाइफ टायमर, महत्त्वाच्या सूचना, लाइव्ह अपडेट्स, व्हॉल्यूम इंडिकेटर, एनएफसी इंडिकेटर, झोपेचे वेळापत्रक आणि कॅमेरा काउंटडाउन यांचा समावेश आहे. चला तर मग आजच्या लेखात आपण या फोनच्या किंमती आणि फिचर्स जाणून घेऊयात.
भारतात नथिंग फोन 4b ची किंमत
या फोनच्या 8GB रॅम आणि 128GB स्टोरेज असलेल्या बेस व्हेरिएंटची किंमत 34 हजार 999 रूपये आहे. तर 8GB रॅम आणि 256GB स्टोरेज असलेल्या व्हेरिएंटची किंमत 38 हजार 999 रूपये आहे. या फोनवर 7.5% इन्स्टंट बँक डिस्काउंट आणि एक्सचेंज बोनस देखील मिळतो. या किंमतीच्या रेंजमध्ये याची स्पर्धा Motorola Edge 70 Fusion, OPPO F33 Pro 5G, vivo V50 5G आणि realme GT 7T सारख्या स्मार्टफोन्सशी आहे.
नथिंग फोन 4b स्पेसिफिकेशन्स
स्क्रीन: या डिव्हाइसमध्ये 6.77-इंचाचा फुल एचडी+ सॅमसंग सुपर अमोलेड डिस्प्ले असून, तो 120Hz पर्यंतचा रिफ्रेश रेट, 1000Hz इन्स्टंट सॅम्पलिंग रेट आणि 2000 nits पर्यंतच्या पीक ब्राइटनेससह येतो. कंपनीचा दावा आहे की, या हँडसेटला धूळ आणि पाण्यापासून संरक्षणासाठी IP64 रेटिंग मिळाले आहे.
चिपसेट: या हँडसेटमध्ये 4nm स्नॅपड्रॅगन 6th जनरेशन 4 ऑक्टा-कोर प्रोसेसर, सोबतच अॅड्रेनो 810 GPU, क्वालकॉम हेक्सागॉन NPU, क्वालकॉम स्पेक्ट्रा इमेज सिग्नल प्रोसेसर आणि क्वालकॉम AI इंजिन आहे. थर्मल मॅनेजमेंटसाठी व्हेपर चेंबर कूलिंग सोल्यूशन दिले आहे.
कॅमेरा: या फोनमध्ये ड्युअल रियर कॅमेरा सेटअप असून, त्यात 50-मेगापिक्सलचा सॅमसंग प्रायमरी सेन्सर, ऑप्टिकल इमेज स्टॅबिलायझेशन, इलेक्ट्रॉनिक इमेज स्टॅबिलायझेशन आणि ऑटोफोकस आहे. 8-मेगापिक्सलचा अल्ट्रा-वाइड-अँगल कॅमेरा देखील उपलब्ध आहे. 16-मेगापिक्सलचा फ्रंट सेल्फी कॅमेरा उपलब्ध आहे.
बॅटरी: फोनला 6000mAh क्षमतेची पॉवरफूल बॅटरी ऊर्जा पुरवते, जी 33W वायर्ड फास्ट चार्जिंग आणि 7.5W वायर्ड रिव्हर्स चार्जिंगला सपोर्ट करते. ही बॅटरी फोनला 0 ते 100% पर्यंत 80 मिनिटांत चार्ज करते असा दावा केला जातो.
कनेक्टिव्हिटी: या फोनमध्ये 5G, Wi-Fi 6, 4G LTE, ब्लूटूथ व्हर्जन 6, USB टाइप C पोर्ट, GLONASS, GPS सारखी अप्रतिम वैशिष्ट्ये आहेत
