अभिनेत्री सोनाक्षी सिन्हा (Sonakshi Sinha) आणि तिचा पती जहीर इक्बाल नेहमी चर्चेत असतात. कधी बाहेर पडल्यावर पापाराझी दिसले किंवा इव्हेंटमध्ये ते एकत्र असले की छान हसून पोझ देतात. त्या दोघांचीही जोडी लोकांना खूप आवडते. मात्र नुकतीच सोनाक्षी सिन्हा ही, तिचे वडील शत्रुघ्न सिन्हा आणि पती जहीर इक्बाल हे समोर असतानाच भडकलेली दिसली. ती खूप संतापली होती. आता बास करा असं म्हणतानाही ती रागावलेली होती. तिच्या रागाचा हा व्हिडीओ सध्या सोशल मीडियावर व्हायरल झाला असून चर्चेचा विषय ठरला आहे.
खरंतर सोनाक्षी ही नुकतीच एका रेस्टॉरंटबाहेर स्पॉट झाली. मात्र तेथीली फोटोग्राफर्समुळे ती चांगलीच हैराण झालेली होती. सोनाक्षी सिन्हा हा तिचा पती जहीर इक्बाल आणि वडील शत्रुघ्न सिन्हा यांच्यासोबत डिनरसाठी बाहेर गेली होती. रेस्टॉरंटमधून बाहेर पडताच त्यांना पापाराझींनी (छायाचित्रकारांच्या) मोठी गर्दी करत वेढलं. पण त्यामुळे सोनाक्षी खूप वैतागलेली होती.
नक्की काय झालं, सोनाक्षी का भडकली ?
काळ्या रंगाचा ड्रेस घालून बाहेर पडलेली सोनाक्षी ही जेवणानंतर वडिलांना निरोप देत होती. रेस्टॉरंटमधून बाहेर पडताना सोनाक्षी हिने आधी हात जोडून फोटोग्राफर्सना अभिवादन केलं. मात्र त्यानंतर फोटोग्राफर्स हे सतत व्हिडीओ घेत होते आणि फोटोही काढत होते, तेव्हा अखेर सोनाक्षी हिचा संयम संपला. वडिलांना बाय करून, कारमध्ये बसल्यावर सोनाक्षी मागे वळली आणि तिने पापाराझींना सांगितले, “आता पुरे झालं.” त्यानंतर तिने हात जोडले आणि म्हणाली, “मित्रांनो, एवढंच. थँक्यू, गुड नाईट”, पण असं म्हणतानाही तिच्या चेहऱ्यावर वैतागलेले बाव स्पष्टपणे दिसत होतेच. सोनाक्षीचा हा व्हिडिओ आता सोशल मीडियावर व्हायरल झाला आहे.
जहीरही म्हणाला आता पुरे
सोनाक्षीचा रागरंग पाहून तिथे उभा असलेला तिचा पती, जहीर इक्बाल हाही पुढे आला आणि त्याने पापाराझींना व्हिडीओ काढणं, फोटो काढणं थांबवण्यास सांगितलं. त्यानंतर सोनाक्षी पुन्हा थोड्या अधिक ठाम स्वरात म्हणाली: “मित्रांनो… बास, धन्यवाद.” मग सोनाक्षी – जहीरसह संपूर्ण कुटुंब गाडीत बसलं आणि निघून गेलं.
सोनाक्षीची कारकीर्द
सोनाक्षी सिन्हाने 2010 साली सलमान खानच्या ‘दबंग’ या चित्रपटातून बॉलिवूडमध्ये पदार्पण केले. त्यानंतर तिने ‘रावडी राठोड’, ‘सन ऑफ सरदार’ आणि ‘हॉलिडे’ यांसारख्या अनेक प्रमुख चित्रपटांमध्ये काम केले. अलीकडच्या काळात, ‘दहाड’ आणि ‘हीरामंडी’ या ओटीटी (OTT) मालिकांमधील तिच्या अभिनयाचे मोठ्या प्रमाणावर कौतुक झालं
