अभिनेत्री ऐश्वर्या राय या बॉलीवूडमधील सर्वात सुंदर अभिनेत्रींपैकी एक आहेत. ऐश्वर्याने अनेक सिनेमांमध्ये एकापेक्षा एक भूमिका साकारत चाहत्यांचं मनोरंजन केलं आहे. आज ऐश्वर्या बॉलिवूडमध्ये सक्रिय नसली तरी, तिने बॉलिवूडमध्ये एक काळ गाजवला आहे. पण आता ऐश्वर्याच्या एका गाण्यामुळे सर्वत्र गदारोळ निर्माण झाला आहे. ऐश्वर्याचं हिट गाणं ओडिशामधील एका पाठ्यपुस्तकात समाविष्ट करण्यात आलं असून, त्यातील लिरिक्स राज्यातील इयत्ता पाचवीच्या विद्यार्थ्यांना शिकवले जात आहेत. यामागची सविस्तर माहिती आणि नेमके प्रकरण काय आहे, ते जाणून घ्या…
ओडिशात इयत्ता 5 वीच्या पाठ्यपुस्तकात ‘निंबूडा-निंबूडा’ गाण्याचा समावेश
ओडिशामध्ये इयत्ता 5 वीच्या पाठ्यपुस्तकात ‘निंबूडा-निंबूडा’ या गाण्याचे बोल अनावधानाने समाविष्ट करण्यात आले आहेत. ही बाब पुस्तके शाळांपर्यंत पोहोचल्यानंतर उघडकीस आली; यामुळे शाळा प्रशासन तसेच संपादकीय आणि गुणवत्ता नियंत्रण प्रक्रियेबाबत प्रश्नचिन्ह निर्माण झाले आहेत. याप्रकरणी सध्या अधिक चौकशी सुरु आहे.
#WATCH | Bhubaneswar | In a major blunder, popular Bollywood song ‘Nimbooda Nimbooda’ from the film ‘Hum Dil De Chuke Sanam’ starring Aishwarya Rai has reportedly been printed in a Class 5 English textbook.#Odisha pic.twitter.com/heP1ALiEK1
— OTV (@otvnews) June 28, 2026
सोशल मीडियावर व्हायरल होत आहे व्हिडीओ…
‘ओडिशा टीव्ही’च्या (OTV) च्या एका रिपोर्टनुसार, या पुस्तकातील काही पानांचे फोटो सोशल मीडियावर व्हायरल झाल्यानंतर ही चूक उघडकीस आली. या घटनेमुळे वाद निर्माण झाला असून, सोशल मीडियावर नेटकऱ्यांकडून यावर तीव्र टीका केली जात आहे. संपादकीय गुणवत्ता तपासणीदरम्यान इतकी मोठी चूक कशी काय झाली, असा प्रश्न एजुकेशन एक्सपर्ट आणि पालकांनी उपस्थित केला आहे. मात्र, या प्रकरणाबाबत संबंधित अधिकारी किंवा शाळा प्रशासनाकडून अद्याप कोणतेही अधिकृत माहिती देण्यात आलेली नाही…
सांगायचं झालं तर, ही पहिली वेळ, जेव्हा पुस्तकातील गंभीर चुका समोर आल्या आहे. मिळालेल्या माहितीनुसार, राष्ट्रीय शैक्षणिक धोरण (NEP) 2020अंतर्गत राज्यात सुरू करण्यात आलेल्या नवीन पाठ्यपुस्तकांमध्ये 1 हजार 600 हून अधिक त्रुटी आढळल्या. इयत्ता पहिली ते आठवीच्या पुस्तकांमध्ये वस्तुस्थितीविषयक चुका, चिन्हे, व्याकरण आणि शब्दलेखन अशा एकूण 1 हजार 678 त्रुटींची नोंद झाली आहे. यामध्ये सर्वाधिक, म्हणजेच 705 त्रुटी इयत्ता आठवीच्या पुस्तकांमध्ये आढळल्या आहेत.
अधिकाऱ्यांना करण्यात आलं निलंबित
मीडिया रिपोर्ट्सनुसार, , या घटनेनंतर ओडिशाचे मुख्यमंत्री मोहन चरण माझी यांनी ‘स्टेट कौन्सिल ऑफ एज्युकेशनल रिसर्च अँड ट्रेनिंग’चे (SCERT) माजी संचालक मनोज पाढी आणि तीन सहाय्यक संचालकांना निलंबित केलं आहे. दरम्यान, विकास आयुक्त डी. के. सिंग यांच्या अध्यक्षतेखाली इयत्ता पहिली ते आठवीच्या पाठ्यपुस्तकांची करण्यात आलेल्या चौकशीत अनेक गंभीर त्रुटी आढळून आल्या आहेत.
