मोटोरोला रेझर फोल्ड नुकताच लाँच झालेला असून, या फोल्डेबल फोनची विक्री 20 मे पासून सुरू झाली आहे. लेनोवोच्या मालकीच्या या ब्रँडचा हा पहिला बुक-स्टाईल फोल्डेबल फोन आहे, जो मार्चमध्ये मोबाईल वर्ल्ड काँग्रेस (MWC 2026) मध्ये पहिल्यांदा प्रदर्शित करण्यात आला होता. या फ्लॅगशिप फोनमध्ये एक पॉवरफुल प्रोसेसर आणि 16 जीबी पर्यंत रॅम आहे. चला तर मग या फोनची किंमत किती असेल, त्यावर कोणत्या ऑफर्स उपलब्ध असतील आणि या डिव्हाइसमध्ये आणखी कोणती वैशिष्ट्ये असतील? जाणून घेऊयात.
भारतात मोटोरोला रेझर फोल्डची किंमत
मोटोरोलाच्या फोल्डेबल फोनच्या 12GB रॅम आणि 256GB व्हेरिएंटची किंमत 1 लाख 49 हजार 999 रूपये आहे. 16GB रॅम आणि 512GB व्हेरिएंटची किंमत 1 लाख 59 हजार 999 रूपये आहे. मोटोरोलाने ‘फिफा वर्ल्ड कप 26’ कलेक्शनमधील पुस्तकाच्या आकाराचे फोल्डेबल फोन्सदेखील सादर केले आहेत, ज्यांची किंमत 1लाख 69 हजार 999 आहे.
फ्लिपकार्ट ऑफर्स
हा फोन खरेदी करताना फ्लिपकार्ट ॲक्सिस बँक क्रेडिट कार्डने तुम्हाला 14 हजार रूपयांची बंपर डिस्काउंट मिळेल. तुमच्याकडे HDFC किंवा ॲक्सिस बँक क्रेडिट कार्ड असल्यास तुम्हाला 10,000 ची बंपर डिस्काउंट मिळेल.
मोटोरोला रेझर फोल्डची वैशिष्ट्ये
या फोनला सात वर्षांसाठी अँड्रॉइड आणि सुरक्षा अपडेट्सचा लाभ मिळेल. या डिव्हाइसमध्ये 6.6-इंचाचा LTPO pOLED कव्हर डिस्प्ले आहे, जो 6000 निट्स ब्राइटनेस आणि 165Hz रिफ्रेश रेटला सपोर्ट करतो. आतमध्ये, 120Hz रिफ्रेश रेट आणि 6200 निट्सपर्यंतच्या पीक ब्राइटनेससह 8.1-इंचाची 2K LTPO pOLED स्क्रीन आहे. अल्ट्रा-थिन ग्लास प्रोटेक्शनसह, हा फोन स्नॅपड्रॅगन 8 जेन 5 प्रोसेसर आणि ॲड्रेनो A829 GPU द्वारे समर्थित आहे.
या फोनमध्ये 50MP सोनी लायटिया सेन्सर, 50MP पेरिस्कोप टेलीफोटो कॅमेरा आणि 50MP अल्ट्रा-वाइड-अँगल कॅमेरा आहे. सेल्फीसाठी, 32MP फ्रंट कॅमेरा आणि 20MP रियर कॅमेरा आहे. 6000mAh बॅटरीवर चालणारा हा फोन 50W वायरलेस आणि 80W वायर्ड चार्जिंगला सपोर्ट करतो. कनेक्टिव्हिटी पर्यायांमध्ये Wi-Fi 7, 5G, USB Type-C, NFC आणि Navik यांचा समावेश आहे.
