ओबीसी समाजाचे नेते लक्ष्मण हाके यांचा एक व्हिडिओ सोशल मीडियावर व्हायरल झाला. या व्हिडीओने एकच खळबळ उडाली. या व्हिडीओत ते एका बड्या नेत्यावर टीका करताना दिसले. या ओबीसी नेत्यावर हाके गंभीर आरोप करताना दिसले. हाकेंचा व्हायरल होणारा व्हिडीओ चोरून काढण्यात आल्याचे सांगितले जात होते. हाकेंचा रोख छगन भुजबळ यांच्याकडे असल्याचीही चर्चा रंगताना दिसली. व्हायरल होणाऱ्या व्हिडीओनंतर हाकेंनी लगेचच प्रतिक्रिया दिली. लक्ष्मण हाके यांच्या व्हायरल व्हिडीओ राज्यातील राजकारणात खळबळ उडाली. हाके यांनी व्हायरल झालेल्या व्हिडीओनंतर मोठा दावा केला. त्यांनी म्हटले की, हा व्हिडीओ जोडून तोडून व्हायरल करण्यात आला. पूर्ण व्हिडीओ व्हायरल करण्यात आला नाही. मुद्द्या हा अर्धवट व्हिडीओ व्हायरल केला जातोय.
व्हायरल व्हिडीओवर आता पुन्हा एकदा लक्ष्मण हाके यांनी भाष्य केले. हेच नाही तर हा व्हिडीओ कुठला आहे आणि नक्की कोणी शूट केला. याबाबत मोठे विधान लक्ष्मण हाके यांनी केले. लक्ष्मण हाके यांनी म्हटले की, यो कोणत्या हॉटेल रूमचं नाही तर तो माझ्या घरातला व्हिडिओ आहे. झोळे नावाच्या या भगिनी मला भेटण्यासाठी आल्या होत्या. त्यांनी तो व्हिडियो एडिटिंग करून तयार केला आहे.
यामध्ये जे काही आरोप केलेले आहेत, त्याबद्दल मला एवढेच म्हणायचं आहे की मी उघड उघड कॅमेऱ्यासमोर त्याच्या पुढे जाऊन म्हणतो की, महाराष्ट्रामध्ये ओबीसी समाजाच्या नेत्यांनी ओबीसी समाजाच्या मागण्या ओबीसीच्या आरक्षणाबद्दल कुठलीही ठोस भूमिका घेतली नाही. माझा रोष हा वैयक्तिक छगन भुजबळ यांच्यावरती नाही पण ओबीसी समाजाचे जेवढे नेते आहेत त्यांनी ओबीसी समाजासाठी आजपर्यंत काय केलं हे त्यांनी सांगावं.
मी मेलो तरी पिछे हटणार नाही , माझी भूमिका मी मांडतच राहणार… मी कुणाला घाबरत नाही…अजित पवार यांच्या मृत्यूपश्चात राष्ट्रवादी वर्धापन दिन साजरा करत आहे… त्यांना शुभेच्छा.. कायम ओबीसींवर अन्याय करणाऱ्यांना माझ्या शुभेच्छा, असेही लक्ष्मण हाके यांनी म्हटले.
