सहा महिन्यांपूर्वी दिला मुलीला जन्म, प्रेगन्सीनंतर काय झाले? चिमुरडीसह टोकाचे पाऊल, कारण वाचून येईल डोळ्यात पाणी | राष्ट्रीय बातम्या

या भीषण घटनेत सहा महिन्यांचे बाळ मृत्यूच्या दारातून परत आले. पोलिसांच्या माहितीनुसार खाली पडताना बाळ प्रथम एका संरक्षक कुंपणावर (फेन्स) पडले. त्यामुळे पडण्याचा वेग कमी झाला आणि त्यानंतर ते जमिनीवर कोसळले.

ईशा साहू मूळची मध्य प्रदेशातील होती. तिच्या पश्चात पती आणि दोन मुली असा परिवार आहे. तिची मोठी मुलगी विदी हिचे वय आठ वर्षे असून धाकटी मुलगी वानी ही केवळ सहा महिन्यांची आहे. पोलिस सूत्रांनी दिलेल्या माहितीनुसार ईशा गेल्या काही महिन्यांपासून गंभीर निद्रानाश (इन्सोम्निया), चिंता (Anxiety) आणि प्रसूतीनंतर उद्भवणाऱ्या नैराश्याच्या (Post-partum Depression) लक्षणांनी त्रस्त होती.

घटना घडली तेव्हा कुटुंबातील इतर सदस्य अपार्टमेंटमध्येच उपस्थित होते. शुक्रवारी दुपारी सुमारे 3.45 वाजण्याच्या सुमारास ही घटना घडल्याची माहिती पोलिसांना मिळाली. ईशा आणि तिच्या पतीचे लग्नाला 11 वर्षे झाली होती. दोघेही खासगी क्षेत्रात नोकरी करत होते आणि आपल्या कुटुंबासह या निवासी संकुलात राहत होते.

घटनेची माहिती मिळताच मियापूर पोलिस घटनास्थळी दाखल झाले. त्यांनी प्राथमिक चौकशी केली आणि महिलेचा मृतदेह शवविच्छेदनासाठी पाठवला.