विधान परिषद निवडणुकीचा निकाल आज जाहीर झाला आहे. नाशिकमध्ये महायुतीला मोठा धक्का बसला आहे. नाशिकमध्ये अपक्ष उमेदवार गोकुळ गिते विजयी झाले आहे. ही जागा शिवसेनेला सुटली होती, नरेंद्र दराडे यांना उमेदवारी जाहीर झाली होती. मात्र आता गोकुळ गिते यांनी त्यांचा पराभव केला आहे. त्यानंतर आता गोकुळ गिते हे एकनाथ शिंदे यांच्या शिवसेनेत प्रवेश करणार असल्याची माहिती समोर आली आहे. त्यामुळे शिवसेनेची विधान परिषदेतील ताकद आणखी वाढणार आहे. याबाबत सविस्तर माहिती जाणून घेऊयात.
गोकुळ गिते शिवसेनेत प्रवेश करण्याची शक्यता
समोर आलेल्या माहितीनुसार नाशिक विधानपरिषद निवडणुकीत विजय मिळवल्यानंतर आता गोकुळ गिते यांना आज एकनाथ शिंदे यांना भेटायला बोलवले आहे. सध्या गिते हे प्रवासात आहेत आणि काही वेळात ते नंदनवनला पोहोचणार असल्याची माहिती समोर आली आहे. आता गिते आणि एकनाथ शिंदे यांच्यात चर्चा होणार असल्याची माहिती समोर आली आहे. त्यानंतर गिते यांचा शिवसेनेत प्रवेश होणार असल्याची माहिती सूत्रांनी दिली आहे. त्यामुळे महायुतीच्या आणि शिवसेनेच्या आमदारांच्या संख्येत वाढ होणार आहे.
काय म्हणाले गिते?
आज सकाळी आमदार झाल्यावर गोकुळ गितेंच्या समर्थकांनी एकनाथ शिंदेंच्या गाण्यावर जल्लोष केला होता. गिते समर्थक एकनाथ शिंदेंच्या गाण्यावर थिरकले होते. त्यामुळे आमदार गोकुळ गीतेंच्या शिंदेंच्या शिवसेनेतील प्रवेशाच्या सुरू झाल्या होत्या. यावेळी बोलताना गोकुळ गिते यांनी म्हटले की, ‘एकनाथ शिंदेंनी अभिनंदन केलं. मला नंदनवनवर भेटायला या असं म्हटलं आहे. मी भेटायला जातो आहे. एकातासात काय तो खुलासा करणार आहे.
कार्यकर्त्यांना विचारून निर्णय घेणार…
तसेच गिते यांनी म्हटले होते की, ‘कार्यकर्त्यांना विचारल्याशिवाय मी काहीही करू शकत नाही. हा विजय जरी गोकुळ गितेंचा असला तरी या व्यक्तीमागे असंख्य कार्यकर्ते आहेत. त्यांना विश्वासत घेतल्याशिवाय मी कोणताही निर्णय घेऊ शकत नाही. त्यांच्याशी बोलल्याशिवाय माझी भूमिका अस्पष्ट आहे, असंही गिते यांनी म्हटलं आहे. आता एकनाथ शिंदे यांची भेट घेतल्यानंतर गिते काय निर्णय घेणार ते पाहणे महत्त्वाचे ठरणार आहे.
