तात्काळ तिकिट बुक करायचं म्हटलं कि वेळ सुरू होण्याआधीच मोबाईल हातात घेऊन बसायचं. मग बेवसाईट उघडायची आणि काही सेंकंदातच सगळे डिटेल्स भरायचे. हुश्श… दमलो बाबा केवढी ती तारेवरची कसरत! त्यातही तिकिट बुक होईल कि नाही याची खात्री नाहीच. पण आता हाच डोक्याचा ताप CHATGPT कमी करणार आहे. याच संबंधातील एक व्हिडिओ सोशल मीडियावर व्हायरल होत आहे. ज्यात CHATGPT ने तिकिट बुक केल्याचा दावा केला जातोय.
एका डिजीटल कंटेट क्रिएटरने GPT -6 ASTRA ला आधीच सविस्तर सूचना दिल्या होत्या. तात्काळ तिकिटाची विंडो सुरू होण्याच्या काही सेकंद आधी AI ला काम सुरू करण्याची कमांड देण्यात आली. त्यानंतर ASTRA ने IRCTC बेवसाईट उघडून प्रवासाची माहिती,स्टेशन, ट्रेन आणि तात्काळ कोटा यासह आवश्यक तपशील त्याने भरले. आता तिकीट बुकिंग सुरू असतानाच IRCTC वेबसाईटमध्ये काही काळ अडथळा आल्याचं दिसलं, अशावेळीही astra ने काही सेकंद थांबून पुन्हा पेज रिफ्रेश केलं आणि बेवसाईट सुरू झाल्यानंतर बुकिंगची प्रक्रिया पुढे नेली.
AI just took on one of the toughest things in India — IRCTC Tatkal booking.
A man claims “GPT 6 Astra” was prompted to start at 10:59:50 AM, navigate IRCTC, select the Gujarat Queen, handle a brief website outage, fill passenger details and complete payment using a pre-loaded… pic.twitter.com/0xSCyrw7dR
— Gems Of Railway (@GemsOfRailway) September 23, 2026
पेमेंटही AI नेच केलं
या प्रयोगासाठी IRCTC WALLET मध्ये पैसे आधीच जमा करून ठेवण्यात आले होते. बुकिंगच्या शेवटच्या टप्प्यावर ASTRA ने हा पेमेंट पर्याय निवडून स्वता:हूनच पैसे ट्रान्सफर केले. त्यानंतर काही मिनिटांतच क्रिएटरला तिकिट बुक झाल्याचा कन्फर्मेशन ईमेलही आला.
या प्रयोगाचा व्हिडिओ सोशल मीडियावर मोठ्या प्रमाणात पाहिला गेला. काही यूजर्सनी आता AI ला आणखी कठीण काम देण्याची मागणी केली, तर काहींनी AI ला पेमेंट आणि वैयक्तिक माहितीचा अॅक्सेस देण्याबाबत चिंता व्यक्त केली आहे. या प्रयोगामुळे एक गोष्ट मात्र स्पष्ट आहे की AI आता फक्त प्रश्नांची उत्तरे देण्यापर्यंत मर्यादित न राहता आपली दैनंदिन कामे सुद्धा सहजपणे करू शकतो. आपण फक्त एक प्रॉम्ट देण्याची काम करायच
