Numerology Of Mulank 8 : अंकशास्त्रानुसार, ज्याप्रमाणे व्यक्तीच्या राशीनुसार त्या व्यक्तीचा स्वभाव कसा असेल? याचा अंदाज लावता येतो. त्याप्रमाणे, अंकशास्त्रानुसार (Ank Shastra), व्यक्तीच्या जन्मतारखेनुसार त्याचा मूलांक (Mulank) ठरविला जातो. या मूलांकाच्या आधारे आपल्याला व्यक्तीची विचारसरणी, त्याचा स्वभाव आणि भविष्यातील योजनांबाबत अंदाज व्यक्त करता येऊ शकतो. त्यानुसार, या ठिकाणी आपण मूलांक 8 च्या संदर्भात अधिक माहिती जाणून घेणार आहोत.
खरंतर, मूलांक 8 चा स्वामी ग्रह कर्मफळदाता शनिदेव आहे. त्यानुसार, कोणत्याही महिन्याच्या 8, 18 आणि 26 तारखेला जन्मलेल्या लोकांचा मूलांक 8 असतो. या जन्मतारखेच्या लोकांचं वैशिष्ट्य नेमकं काय असतं ते जाणून घेऊयात.
वयाच्या तिशीनंतर आयुष्य पालटणार
अंकशास्त्रानुसार, मूलांक 8 असणाऱ्या लोकांना सुरुवातीच्या काळात फार कठीण परिस्थितीचा सामना करावा लागतो. मात्र, वयाच्या तिशीनंतर त्यांच्या करिअरमध्ये चांगली प्रगती पाहायला मिळते. व्यवसायाचा विस्तार वाढलेला असतो. या दरम्यान तुमची आर्थिक स्थितीही चांगली सुधारलेली असते.
कठीण परिस्थितीतही घाबरत नाहीत
मूलांक 8 असणाऱ्या लोकांचं एक वैशिष्ट्य आहे ते म्हणजे यांचा स्वामी ग्रह शनिदेव असल्यामुळे यांच्यात कमालीचं धैर्य असतं. यांच्यातील सहनशीलता अफाट असते. तसेच, कितीही कठीण परिस्थिती असली तरी हे लोक हार मानत नाहीत. समोर आलेल्या संकटाचा आत्मविश्वासाने तसेच धिटाईने सामना करतात. या जन्मतारखेचे लोक नशिबापेक्षा कर्मावर जास्त विश्वास ठेवतात.
जबाबदारी सांभाळतात…
या जन्मतारखेच्या लोकांवर कोणत्याही पद्धतीची जबाबदारी सोपवली मग ते वैयक्तिक आयुष्यातली असो किंवा प्रोफेशनल लाईफबद्दल. या लोकांना आपल्या कर्तव्याची पूर्ण जाणीव असते. हे कोणत्याही फिल्डमध्ये गेले तरी त्या प्रोफेशनला पूर्णपणे न्याय देण्याचा यांचा प्रयत्न असतो. अंकशास्त्रानुसार, या जन्मतारखेचे लोक राजकारणाव्यतिरिक्त रिअल इस्टेटच्या फिल्डमध्येसुद्धा चांगलं काम करु शकतात.
ठराविक वयानंतर मिळतं यश…
अंकशास्त्रानुसार, या जन्मतारखेच्या लोकांना आपल्या ठराविक वयोमानानुसार, समाजात मान-सन्मान आणि संपत्ती मिळते. या जन्मतारखेच्या लोकांमध्ये वयाच्या तिशीनंतर आयुष्यात स्थिरता येते.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या इतर बातम्या :
Garud Puran : गरुड पुराण घरात ठेवावं की ठेवू नये? कधी वाचावं गरुड पुराण? वाचा या ग्रंथाशी संबंधित महत्त्वाचे नियम…
