google pixel 10 वर मिळतेय 12 हजार रूपयांपेक्षा जास्त फ्लॅट डिस्काउंट, जाणून घ्या खास डिलबद्दल…
गूगल 12 ऑगस्ट रोजी त्यांचा पुढील हार्डवेअर इव्हेंट आयोजित करत आहे. यामध्ये पिक्सेल 11, पिक्सेल 11 प्रो, पिक्सेल 11 प्रो एक्सएल आणि पिक्सेल 11 प्रो फोल्ड हे फोन लाँच होण्याची शक्यता आहे. सध्या नवीन फोन येण्यापूर्वी भारतीय बाजारात उपलब्ध असलेला गूगल पिक्सेल 10 मोठ्या सवलतीत विक्रीसाठी उपलब्ध करण्यात आलेला आहे. ही सवलत ॲमेझॉनवर उपलब्ध आहे. चला या डीलविषयी आजच्या लेखात अधिक जाणून घेऊयात.
गुगल पिक्सेल 10 डील्स
गुगल पिक्सल 10 या फोनचा 12GB + 256GB व्हेरिएंट भारतात 79 हजार 999 रूपयांच्या सुरुवातीच्या किमतीत लाँच करण्यात आला होता. हे डिव्हाइस सध्या ॲमेझॉनवर 67 हजार 969 रूपयांना सूचीबद्ध करण्यात आले आहे, म्हणजेच या फोनवर ग्राहकांना थेट 12 हजार 30 रूपयांची सूट मिळत आहे. आणखी बचत करण्यासाठी तुम्ही तुमचा जुना स्मार्टफोन ट्रेड-इन करू शकता. जुना फोन एक्सचेंज केल्यावर ग्राहकांना 20 हजार 550 रूपयांपर्यंतची सूट मिळू शकते. याव्यतिरिक्त ग्राहक काही बँक ऑफर्सचा देखील लाभ घेऊ शकतात.
गुगल पिक्सल 10 ची वैशिष्ट्ये आणि स्पेसिफिकेशन
गुगल पिक्सल 10 मध्ये 120Hz रिफ्रेश रेट, 3,000 nits ची पीक ब्राइटनेस आणि कॉर्निंग गोरिला ग्लास व्हिक्टस 2 संरक्षणासह 6.3-इंचाचा डिस्प्ले आहे.
या फोनमध्ये टेन्सर G5 चिपसेट असून, त्याला 12GB पर्यंत रॅम आणि 256GB पर्यंत इंटर्नल स्टोरेज जोडलेले आहे.
याव्यतिरिक्त, पिक्सल 10 मध्ये 4,970mAh बॅटरी असून, त्याला 30W वायर्ड फास्ट चार्जिंग आणि 15W वायरलेस चार्जिंगचा सपोर्ट आहे.
फोटोग्राफीसाठी, पिक्सेल 10 मध्ये मागील बाजूस ट्रिपल कॅमेरा सेटअप आहे, ज्यामध्ये 48MP मुख्य लेन्स, 13MP अल्ट्रावाइड लेन्स आणि 10.8MP टेलीफोटो लेन्सचा समावेश आहे. सेल्फी आणि व्हिडिओ कॉलसाठी 10.5MP चा फ्रंट कॅमेरा आहे.
गुगल पिक्सेल 10 कोणी खरेदी करावा?
पिक्सेल 10 हा गुगलच्या आतापर्यंतच्या सर्वोत्तम स्मार्टफोन्सपैकी एक आहे. जर तुम्ही सॉफ्टवेअर, फोटोग्राफी आणि एआय फीचर्सना प्राधान्य देणारे वापरकर्ते असाल, तर हा फोन विचारात घेण्यासारखा आहे. त्याचा कॅमेरा सेटअप हे पिक्सेल 10 च्या सर्वात मोठ्या वैशिष्ट्यांपैकी एक आहे. तथापि जर तुम्हाला स्मार्टफोन खरेदी करण्याची घाई नसेल, तर तुम्ही पिक्सेल 11 लाँच होण्याची वाट पाहू शकता. पिक्सेल 11 लाँच झाल्यानंतर पिक्सेल 10 ची किंमत आणखी कमी होण्याची शक्यता आहे.
