FIFA 2026: ब्राझील वाचला, जर्मनी-नेदरलँडचं आव्हान संपुष्टात! राउंड ऑफ 32 मध्ये असं घडलंImage Credit source: fifa world cup twitter
फिफा वर्ल्डकप 2026 स्पर्धेत साखळी फेरीचे सामने संपल्यानंतर राउंड ऑफ 32 बाद फेरी सुरू आहे. या फेरीत दिग्गज संघांनी हजेरी तर लावली, पण या फेरीतून पुढे जाताना दिग्गज संघांचा अपेक्षाभंग झाला. काही संघ तर थोडक्यात वाचले. त्यामुळे ही स्पर्धा अतितटीची आणि हृदयाचे ठोके वाढवणारी आहे. या स्पर्धेच्या सुरूवातीला अनेक दिग्गजांनी आणि भाकीत वर्तवणाऱ्यांनी नेदरलँड संघाला जेतेपदासाठी पसंती दिली होती. पण त्यांचं आव्हान राउंड ऑफ 32 मध्येच संपुष्टात आलं आहे. त्यामुळे या स्पर्धेत फासे उलटे पडले असं म्हणायला हरकत नाही. ब्राझील संघ थोडक्यात वाचला. तर जर्मनी आणि नेदरलँडचं आव्हान राउंड ऑफ 32 मध्येच संपुष्टात आलं आहे.
जेतेपदाचा मानकरी असताना नेदरलँड धक्का
नेदरलँडने साखळी फेरीत एकही सामना गमावला नाही. त्यामुळे राउंड ऑफ 32 मध्ये मोरक्कोविरुद्ध आरामात जिंकेल असं वाटलं होतं. पण तसं झालं नाही. शूटआऊटमध्ये मोरोक्कोने नेदरलँडला बाहेरचा रस्ता दाखवला. दोन्ही देशातील सामना 1-1 ने बरोबरीत सुटला होता. त्यामुळे या सामन्याचा निकाला पेनल्टी शूटआऊटमध्ये गेला. या खेळीत मोरक्को संघ सरस ठरला. मोरक्कोने 3-2 ने नेदरलँडला मात दिली आणि पुढच्या फेरीत जागा मिळवली.
चार वेळा जेतेपद मिळवणारा जर्मनी संघ आऊट
जर्मनी आणि पॅराग्वे संघाचही तसंच आहे. दोन डाव संपल्यानंतर 1-1 अशी बरोबरी राहिली. त्यामुळे शूटआऊटमधून सामन्याचा निकाल लावणं भाग होतं. पण यात पॅराग्वेने बाजी मारली. जर्मनीने 3-4 असा सामना जिंकला. त्यामुळे जर्मनीचं राउंड ऑफ 16 मध्ये खेळण्याचं स्वप्न भंगलं. या विजयासह पॅराग्वेने या स्पर्धेत मोठा उलटफेर केला.
ब्राझील विजय, पण जापानने दिली कडवी झुंज
राउंड ऑफ 32 मध्ये ब्राझील आणि जापान हे संघ आमनेसामने आले होते. या सामन्यात पाच वेळा जेतेपद जिंकणाऱ्या ब्राझील संघाला चांगलाच घाम गाळावा लागला. जपानने पहिलाच गोल करत ब्राझीलवर आघाडी घेतली होती. त्यामुळे हा सामना ब्राझील गमावते की काय असं वाटलं होतं. पहिल्या डावात जापानने 1-0 ने आघाडी घेतली होती. त्यामुळे गोल बरोबरी साधण्याचं मोठं आव्हान होतं. ब्राझीलने या सामन्याच्या 56 व्या मिनिटाला गोल केला आणि बरोबरी साधली. पण विजयासाठी चांगलीच झुंज द्यावी लागली. अतिरिक्त वेळेत म्हणजेच या सामन्याच्या 95व्या मिनिटाला ग्रॅबियल मार्टिनेली याने गोलं मारला आणि सामना 2-1 ने जिंकला.
