Karnataka MLC Election: डी.के. शिवकुमार मुख्यमंत्री झाल्यानंतर कर्नाटकात झालेल्या पहिल्या निवडणुकीत, सत्ताधारी काँग्रेसने विधान परिषदेच्या सातपैकी पाच जागा जिंकल्या, तर विरोधी भाजपने दोन जागा जिंकल्या आहेत. भाजप आणि जेडीएस या दोन्ही पक्षांच्या आमदारांनी क्रॉस-व्होटिंग केले, ज्यामुळे काँग्रेसच्या उमेदवारांना अपेक्षेपेक्षा जास्त मते मिळाली. कर्नाटक विधानसभेच्या सदस्यांनी विधान सौध निवडणुकीत मतदान केले. या सात जागांसाठी आठ उमेदवार रिंगणात होते. त्यामुळे भाजपने देशव्यापी दाखवलेला फंडा भाजपविरोधात वापरत डीकेंनी दणक्यात सुरुवात केली आहे.
निवडणूक लढवणाऱ्या उमेदवारांमध्ये काँग्रेसचे थिप्पनप्पा कामकनूर, पी.व्ही. मोहन, बी.के. हरिप्रसाद (राज्य काँग्रेस अध्यक्ष), शिवण्णा बी.एस., विनय कार्तिक प्रकाश, भाजपचे लिंगराज पाटील आणि रघु आर., आणि जेडीएसचे गोविंदराजू यांचा समावेश आहे. काँग्रेसचे सर्व पाच उमेदवार आणि भाजपचे दोन्ही उमेदवार विजयी झाले, तर जेडीएसचे गोविंदराजू पराभूत झाले. विधान परिषदेच्या सात सदस्यांचा कार्यकाळ 30 जून रोजी संपत असल्याने ही निवडणूक झाली होती. यामध्ये काँग्रेसचे नसीर अहमद, टिपन्नप्पा आणि बी. के. हरिप्रसाद, भाजपचे एन. नागराजू (एमटीबी), प्रताप एस. नायक के. आणि सुनील वल्लैयापूर, तसेच जेडीएसचे गोविंदराजू यांचा समावेश आहे.
डी. के. शिवकुमार यांनी क्रॉस-व्होटिंगचे दावे फेटाळले
मुख्यमंत्री डी. के. शिवकुमार यांनी विधान परिषद निवडणुकीत संभाव्य क्रॉस-व्होटिंगची भीती फेटाळून लावली. काँग्रेसने कोणतीही विशिष्ट रणनीती आखलेली नाही आणि मतदानात सहभागी होणाऱ्या आमदारांच्या विवेकबुद्धीवर आपला पूर्ण विश्वास असल्याचे ते म्हणाले. गुप्त मतदान पद्धतीमुळे क्रॉस-व्होटिंगबद्दल अंदाज लावणे अयोग्य आहे, असेही त्यांनी सांगितले. ते म्हणाले, “आम्हाला क्रॉस-व्होटिंगमध्ये सहभागी व्हायचे नाही, आणि त्याबद्दल आमच्याकडे कोणतीही माहिती नाही. ही गुप्त मतदान निवडणूक आहे.” ते म्हणाले की, ते गेल्या दोन दिवसांपासून आमदारांसोबत बैठका घेत आहेत, परंतु उद्देश राजकीय व्यवस्थापन नसून मतदान प्रक्रिया योग्यरित्या समजावून सांगणे हा आहे. ते म्हणाले की, प्राधान्य-आधारित मतदान प्रणाली बरीच गुंतागुंतीची आहे आणि यावेळी सुमारे 60 ते 70 आमदार पहिल्यांदाच निवडून आले आहेत. अशा परिस्थितीत, एका छोट्या चुकीमुळेही मतपत्रिका अवैध ठरू शकते.
इतर महत्वाच्या बातम्या
Sanjay Raut Arvind Sawant : फुटणाऱ्या आमदार-खासदारांना रस्त्यात तुडवा, ठाकरेंच्या शिवसेनेचा ॲक्शन प्लॅन ठरला
