संपूर्ण राज्यात सध्या विधान परिषद निवडणुकीची रणधुमाळी सुरू आहे. आज स्थानिक स्वराज्य संस्थांच्या कोट्यातली 17 जागांसाठी उमेदवारी अर्ज दाखल करण्याचा शेवटचा दिवस होता. या निवडणुकीत महायुती विरूद्ध महाविकास आघाडी असा थेट सामना रंगणार आहे. दोन्ही आघाड्यांकडून ही निवडणूक जिंकण्यासाठी शर्थीचे प्रयत्न केले जाणार आहेत. सध्या कोणता उमेदवार कुणाच्या विरोधात रिंगणात आहे, याची यादी समोर आली आहे. याबाबत सविस्तर माहिती जाणून घेऊयात.
17 जागांसाठी होत असलेल्या या निवडणुकीत दोन्ही आघाड्यांकडून उमेदवारीसाठी मोठी चुरस पहायला मिळाली होती. अनेकांनी उमेदवारीसाठी आपली दावेदारी दाखल केली होती. त्यामुळे पक्ष नेतृत्वाने उमेदवारांची यादी जाहीर केल्यानंतर अनेक उमेदवारांनी नाराजी व्यक्त केली आहे. तसेच काहींनी बंडखोरीचागी निर्णय घेतला आहे. अर्ज माघारी घेण्याची तारीख 4 जून आहे, तोपर्यंत बंडखोरांची समजूत काढण्याचे आव्हान राजकीय पक्षांसमोर असणार आहे.
महायुती विरूद्ध महाविकास आघाडी अशी थेट लढत
- सोलापूर : आदित्य फत्तेपूरकर (मविआ – काँग्रेस) विरुद्ध राजेंद्र राऊत (महायुती- भाजप)
- अहिल्यानगर : करण ससाणे (मविआ – काँग्रेस) विरुद्ध प्राजक्त तनपुरे (महायुती- भाजप)
- ठाणे : अभिजीत पवार (मविआ-राष्ट्रवादी शरद पवार) विरुद्ध रविंद्र फाटक (महायुती- शिवसेना)
- जळगाव : शरद तायडे (मविआ -शिवसेना ठाकरे) विरुद्ध नंदकिशोर महाजन (महायुती- भाजप)
- सांगली-सातारा : बाळासाहेब पाटील/अभयसिंह जगताप (मविआ-राष्ट्रवादी शरद पवार) विरुद्ध धैर्यशील माने (महायुती- भाजप)
- नांदेड : रामदास पाटील (मविआ – काँग्रेस) विरुद्ध अमर राजूरकर (महायुती- भाजप)
- यवतमाळ : साहेबराव कांबळे (मविआ – काँग्रेस) विरुद्ध दुष्यंत चतुर्वेदी (महायुती- शिवसेना)
- पुणे : श्रीकांत पाटील (मविआ-राष्ट्रवादी शरद पवार) विरुद्ध विक्रम काकडे (महायुती- राष्ट्रवादी)
- भंडारा-गोंदिया : दिलीप बनसोडे (मविआ – काँग्रेस) विरुद्ध अविनाश ब्राह्मणकर (महायुती- भाजप)
- रायगड-रत्नागिरी-सिंधुदुर्ग – सुरेंद्रनाथ उर्फ बाळ माने (मविआ -शिवसेना ठाकरे) विरुद्ध अनिकेत तटकरे (महायुती- राष्ट्रवादी)
- नाशिक : अनिल कदम (मविआ -शिवसेना ठाकरे) विरुद्ध विरुद्ध नरेंद्र दराडे (महायुती- शिवसेना)
- वर्धा-चंद्रपूर-गडचिरोली : शैलेश अग्रवाल (मविआ – काँग्रेस) विरुद्ध अरुण लखानी (महायुती- भाजप)
- अमरावती : हर्षदीप देशमुख (मविआ – काँग्रेस) विरुद्ध प्रवीण पोटे (महायुती- भाजप)
- धाराशिव-लातूर-बीड : महेश देशमुख (मविआ – काँग्रेस) विरुद्ध बसवराज पाटील (महायुती- भाजप)
- परभणी-हिंगोली : डॉ. विवेक नावंदर (मविआ -शिवसेना ठाकरे) विरुद्ध सईद खान (महायुती- शिवसेना)
- छत्रपती संभाजीनगर-जालना – देवयानी कृष्ण पाटील डोणगावकर (मविआ -शिवसेना ठाकरे) विरुद्ध सुहास शिरसाट (महायुती- भाजप)
- नागपूर (पोटनिवडणूक) : अतुल लोंढे (मविआ – काँग्रेस) विरुद्ध डॉ. राजीव पोतदार (महायुती- भाजप)
कोणता पक्ष किती जागा लढवणार?
महायुतीत भाजप 11, शिवसेना 4 आणि राष्ट्रवादी काँग्रेस 2 जागांवर निवडणूक लढवणार आहे. तर महाविकास आघाडीत काँग्रेस सर्वाधिक 8, ठाकरेंची शिवसेना 6, आणि शरद पवारांची राष्ट्रवादी 3 जागा लढवणार आहे.
