Sankashti Chaturthi 2026: 29 कि 30 सप्टेंबर? पितृपक्षातील ‘अंगारकी संकष्टी चतुर्थी’ ला अद्भूत योगायोग! 5 राशी भाग्यशाली, चंद्रोदय वेळ, शुभ मुहूर्त, धार्मिक महत्त्व…

Sankashti Chaturthi 2026: हिंदू धर्मात, भगवान गणेश हे प्रथम पूजनीय दैवत आणि विघ्नहर्ता मानले जातात. कोणतेही मंगलकार्य सुरू करण्यापूर्वी गणेशपूजन करण्याची परंपरा आहे. गणेशाची उपासना केल्याने अडथळे दूर होऊन कार्य निर्विघ्न पार पडावे, अशी धार्मिक श्रद्धा आहे. प्रत्येक महिन्याच्या कृष्ण पक्षातील चतुर्थीला संकष्टी चतुर्थी पाळली जाते. या दिवशी गणेशाची पूजा, उपवास आणि चंद्रदर्शनाला विशेष महत्त्व दिले जाते.. सप्टेंबर 2026 मधील संकष्टी चतुर्थी खूप विशेष असणार आहे, कारण या दिवशी दुर्मिळ योगायोग जुळून आले आहेत. या दिवशी चंद्रोदय वेळ, भाग्यशाली राशी, शुभ मुहूर्त, महत्त्व जाणून घ्या…

कारण ही शुभ तारीख मंगळवारी येत आहे. जेव्हा कधी संकष्टी चतुर्थी मंगळवारी येते, तेव्हा धर्मग्रंथांमध्ये तिला ‘अंगारकी संकष्टी चतुर्थी’ म्हटले जाते, जी कर्जमुक्ती आणि संकट निवारणासाठी अत्यंत फलदायी मानली जाते. जाणून घेऊया. या महिन्यातील संकष्टी चतुर्थीची तिथी, जाणून घेऊया.

29 कि 30 सप्टेंबर? यंदाची अंगारकी संकष्टी चतुर्थी अत्यंत खास…(Sankashti Chaturthi 2026)

वैदिक पंचांगानुसार, भाद्रपद महिन्याच्या कृष्ण पक्षाची चतुर्थी 29 सप्टेंबर 2026 रोजी सायंकाळी 5:10 वाजता सुरू होईल आणि 30 सप्टेंबर 2026 रोजी दुपारी 2:55 पर्यंत चालेल. उदयतिथीनुसार, चतुर्थीची तिथी 29 सप्टेंबर आहे आणि हा दिवस मंगळवार देखील आहे. मंगळवारी येणाऱ्या संकष्टी चतुर्थीला अंगारकी संकष्टी चतुर्थी म्हणतात. यासोबतच ही अंगारकी संकष्टी चतुर्थी पितृपक्षात येत असल्यामुळे अत्यंत खास मानली जातेय.

चंद्रोदय आणि अर्घ्यासाठी शुभ वेळ (Moon Rise Time)

संकष्टी चतुर्थीच्या उपवासादरम्यान चंद्रदर्शनाला विशेष महत्त्व आहे. चंद्राला अर्घ्य अर्पण केल्याशिवाय उपवास पूर्ण मानला जात नाही.

चंद्रोदयाची वेळ: रात्री 08:14

असे मानले जाते की या वेळी चंद्राला अर्घ्य अर्पण केल्याने उपवासाचे पूर्ण लाभ मिळतात आणि गणपती बाप्पाचा आशीर्वाद टिकून राहतो.

यंदाची संकष्टी चतुर्थी खास का आहे?

धार्मिक मान्यतेनुसार, संकष्टी चतुर्थी दर महिन्याला गणपतीला समर्पित असते, परंतु जेव्हा ही तारीख मंगळवारी येते, तेव्हा तिला अंगारकी संकष्टी चतुर्थी म्हणतात. धार्मिक श्रद्धेनुसार, अंगारकी संकष्टी चतुर्थीला विशेष महत्त्व आहे. या दिवशी गणपतीची पूजा आणि उपवास केल्याने अडथळे दूर होतात, असा विश्वास आहे. भक्त दिवसभर उपवास करतात आणि गणपतीची पूजा केल्यानंतर संध्याकाळी चंद्राला प्रार्थना करून उपवास सोडतात.

अंगारकी संकष्टी चतुर्थीला भगवान गणेशाची पूजा कशी करावी?

संकष्टी चतुर्थीच्या दिवशी भक्त उपवास करून भगवान गणेशाची पूजा करतात.
संध्याकाळी चंद्रोदयानंतर चंद्राला अर्घ्य दिल्यानंतर व्रत सोडण्याची परंपरा आहे.
सकाळी स्नान करून संकल्प करा. गणेशाचे स्मरण करून दिवसभर उपवास करण्याचा संकल्प करावा.
गणेशाची मूर्ती किंवा प्रतिमा स्वच्छ ठेवा. पूजा करण्याचे ठिकाण स्वच्छ करून गणेशासमोर दिवा लावावा.
गणेशाला पंचामृत किंवा स्वच्छ पाण्याने अभिषेक करून वस्त्र, गंध, अक्षता आणि फुले अर्पण करावीत.
दुर्वा आणि लाल फुले अर्पण करा. गणेशपूजेत दुर्वांना विशेष महत्त्व आहे.
नैवेद्य दाखवा. मोदक, लाडू, फळे किंवा घरच्या पद्धतीनुसार सात्त्विक नैवेद्य अर्पण करावा.
गणेश मंत्राचा जप करा. ॐ गं गणपतये नमः या मंत्राचा जप करता येतो. गणेश अथर्वशीर्ष किंवा गणेश स्तोत्राचे पठणही केले जाते.
गणेशाची आरती करा. आरतीनंतर आपल्या मनोकामना आणि कुटुंबाच्या सुख-समृद्धीसाठी प्रार्थना करावी.
चंद्रोदयानंतर चंद्राला अर्घ्य द्या. संकष्टी व्रताच्या परंपरेनुसार चंद्रदर्शन झाल्यानंतर चंद्राला पाणी अर्पण करून नमस्कार करावा.
त्यानंतर व्रत सोडावे. उपवास सोडताना आपल्या कुटुंबाच्या परंपरेनुसार फलाहार किंवा सात्त्विक भोजन घ्यावे.
विशेषतः अंगारकी संकष्टीला गणेशपूजा, अथर्वशीर्ष पठण, मंत्रजप आणि चंद्रदर्शनाला भक्तांकडून विशेष महत्त्व दिले जाते.

अंगारकी संकष्टी चतुर्थीचे धार्मिक महत्त्व

धार्मिक श्रद्धेनुसार, गणपती हे सर्व अडथळे दूर करणारे दैवत आहेत. म्हणून, संकटांपासून मुक्ती आणि इच्छापूर्तीच्या आशेने संकष्टी चतुर्थीचा उपवास पाळला जातो. विघ्नराज संकष्टी चतुर्थीच्या दिवशी, भक्तगण गणपतीची पूजा करतात आणि त्यांच्या जीवनातील संकटे दूर होण्यासाठी आणि त्यांच्या कुटुंबात शांती व सुख नांदण्यासाठी प्रार्थना करतात. यंदा मंगळवारी येणारी संकष्टी चतुर्थी ही अंगारकी संकष्टी म्हणूनही विशेष मानली जाते.

अंगारकी चतुर्थी : 5 भाग्यशाली राशी

29 सप्टेंबर 2026, मंगळवार रोजी अंगारकी संकष्टी चतुर्थी आहे. चतुर्थी तिथी सायंकाळी 5:10 वाजता सुरू होऊन 30 सप्टेंबर रोजी दुपारी 2:55 वाजता संपते. मंगळवारी संकष्टी चतुर्थी आल्याने तिला अंगारकी चतुर्थी म्हटले जाते. ज्योतिषीय परंपरेनुसार या दिवशी भगवान गणेशाची उपासना, उपवास आणि चंद्रदर्शनाला विशेष महत्त्व आहे. या पार्श्वभूमीवर खालील 5 राशींना सकारात्मक संधी मिळू शकतात, असे ज्योतिषीय अंदाजात मानले जाते.

मेष

ज्योतिषशास्त्रानुसार, अंगारकी चतुर्थीच्या प्रभावामुळे कामातील अडथळे दूर करण्यासाठी प्रयत्नांना गती मिळू शकते. नोकरी किंवा व्यवसायात नवीन संधी मिळण्याची शक्यता असून आर्थिक बाबतीत नियोजन फायदेशीर ठरू शकते.

मिथुन

ज्योतिषशास्त्रानुसार, गणेशाच्या कृपेने रखडलेली कामे मार्गी लागण्याची शक्यता. नवीन संपर्क निर्माण होतील आणि व्यावसायिक क्षेत्रात महत्त्वाच्या व्यक्तींची मदत मिळू शकते. विद्यार्थ्यांसाठीही दिवस अनुकूल मानला जातो.

सिंह

ज्योतिषशास्त्रानुसार, करिअरमध्ये पुढे जाण्यासाठी नवीन मार्ग खुला होऊ शकतो. वरिष्ठांकडून कौतुक मिळण्याची शक्यता असून आत्मविश्वास वाढेल. आर्थिक निर्णय घेताना मात्र घाई न करण्याचा सल्ला दिला जातो.

तुला

ज्योतिषशास्त्रानुसार, कुटुंबातील वातावरण आनंदी राहण्याची शक्यता. व्यवसाय करणाऱ्यांना नवीन ग्राहक किंवा कामाच्या संधी मिळू शकतात. जुन्या आर्थिक अडचणी सोडवण्यासाठी प्रयत्नांना यश मिळू शकते.

धनु

ज्योतिषशास्त्रानुसार, अंगारकी चतुर्थीच्या निमित्ताने गणेशाची उपासना केल्याने मानसिक सकारात्मकता वाढेल, अशी धार्मिक श्रद्धा आहे. कामाच्या ठिकाणी नवीन जबाबदारी मिळू शकते. प्रवास किंवा नवीन प्रकल्पाच्या दृष्टीनेही दिवस महत्त्वाचा ठरू शकतो.

हेही वाचा :