सोशल मीडिया रील्सपासून ते फूड व्लॉग्सपर्यंत दुबई पिस्ता चॉकलेट सध्या जगभरात लोकप्रिय होत आहे. जेव्हा तुम्ही दुकान किंवा मॉलमध्ये जाऊन हा कुनाफा पिस्ता चॉकलेट खाता तेव्हा त्यात असलेले गडद हिरवे, कुरकुरीत पिस्ता आणि कुनाफाचे मिश्रण तोंडाला पाणी आणणारे असते. जर तुम्हालाही ही कुनाफा पिस्ता चॉकलेट बनवायचं असेल तर आजच्या लेखात आपण अगदी स्टेप बाय स्टेप सोप्या पद्धतीने कसं बनवायचं ते जाणून घेऊयात.
कुनाफा पिस्ता चॉकलेट बनवण्यासाठी लागणारे साहित्य :
मिल्क किंवा डार्क चॉकलेट – 250 ग्रॅम
कुनाफा पेस्ट्री – 1 कप
पिस्ता क्रीम किंवा पिस्ता बटर – 1/2 कप
ताहिनी (तिळापासून बनवलेले एक बट्ट घट्ट लोणी (सीड बटर) किंवा पेस्ट) – 1 चमचा
बटर – 2 टेबलस्पून
व्हाईट चॉकलेट – 20 ग्रॅम
हिरवा फुड कलर– 1 चिमूटभर
सिलिकॉन चॉकलेट मोल्ड
कुनाफा पिस्ता चॉकलेट रेसिपी बनवण्याची कृती:
१. सर्वप्रथम व्हाईट चॉकलेट वितळवून त्यात हिरवा फुड कलरचा एक थेंब टाका. चमचा किंवा टूथपिकच्या साहाय्याने सिलिकॉन मोल्डमध्ये तयार व्हाईट चॉकलेटच्या टाका आणि ते ५ मिनिटे सेट होण्यासाठी रेफ्रिजरेटरमध्ये ठेवा.
2. आता मिल्क किंवा डार्क चॉकलेटचे लहान तुकडे करा आणि डबल बॉयलर किंवा मायक्रोवेव्हमध्ये दर 30-30 सेकंदांनी ढवळून वितळून घ्या.
3.वितळलेले चॉकलेट साच्यात ओता आणि वाटीसारखा थर तयार होईपर्यंत एकसारखे पसरवा. थर खूप जाड होऊ नये म्हणून जास्तीचे चॉकलेट काढून टाका. ते 10-15 मिनिटांसाठी सेट करण्यासाठी फ्रिजमध्ये ठेवा.
4. एका पॅनमध्ये बटर गरम करा. त्यात लहान तुकडे केलेली कुनाफा पेस्ट्री टाका.
5. मध्यम आचेवर सर्व बाजूंनी सोनेरी आणि कुरकुरीत होईपर्यंत तळा. आता ही पेस्ट्री एका भांड्यात काढून थंड होऊ द्या.
6. थंड झालेल्या कुरकुरीत पेस्ट्री असलेल्या भांड्यात पिस्ता क्रीम आणि 1 चमचा ताहिनी पेस्ट टाका. सर्वकाही व्यवस्थित मिक्स करा.
7.आता फ्रीझरमधून सेट करायला ठेवलेला मोल्ड बाहेर काढा आणि त्यात तयार केलेले पिस्ता कुनाफाचे मिश्रण चमच्याने व्यवस्थित एकसारखे पसरवा. ते पूर्णपणे काठोकाठ भरू नका; थोडी जागा मोकळी सोडा.
8. आता उरलेले वितळलेले चॉकलेट त्यावर ओता आणि चांगले पसरवून घ्या.
9. चॉकलेट बार पूर्णपणे बंद झाल्यावर, त्यातील हवेचे बुडबुडे काढण्यासाठी मोल्डला हलकेच टॅप करा. ते कमीतकमी 30 ते 45 मिनिटांसाठी रेफ्रिजरेटरमध्ये ठेवा.
10. जेव्हा चॉकलेट पूर्णपणे घट्ट होईल, तेव्हा ते सिलिकॉनच्या मोल्डमधून हळुवारपणे बाहेर काढा. दुबई पिस्ता चॉकलेट तयार आहे.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
