अशीच एक जबरदस्त फिल्म २०१४ साली प्रदर्शित झाली होती, जी प्रेक्षक आजही विसरू शकलेले नाहीत. या फिल्मचे नाव आहे ‘इट फॉलोज.’ या चित्रपटाचे दिग्दर्शन आणि लेखन डेव्हिड रॉबर्ट मिशेल यांनी केले आहे. फिल्मचे पहिले प्रीमियर १७ मे २०१४ रोजी प्रसिद्ध कान फिल्म फेस्टिवलमध्ये झाले होते. त्यानंतर १३ मार्च २०१५ रोजी अमेरिकेत रिलीज झाली. या फिल्ममध्ये मुख्य भूमिकेत माइका मुनरो, कीर गिलक्रिस्ट, डेनियल जोवाटो, जेक वीरी, ओलिव्हिया लुकार्डी आणि लिली सेपे यांच्यासह इतर कलाकार आहेत. सर्व कलाकारांनी आपल्या अभिनयाने फिल्ममध्ये प्राण ओतले आहेत.
