Numerology of Mulank 7 : ज्योतिष शास्त्रात ज्याप्रमाणे व्यक्तीच्या राशीप्रमाणे त्यांचा स्वभाव ओळखला जातो. त्याचप्रमाणे, अंकज्योतिष (Ank Shastra) शास्त्रात व्यक्तीच्या जन्मतारखेवरुन त्या व्यक्तीच्या स्वभावाबद्दल, भविष्यातील काही गोष्टींबद्दल माहिती मिळते. अंकज्योतिष शास्त्रानुसार, काही जन्मतारखेच्या लोकांची इंट्युशन पॉवर फार स्ट्रॉंग असते. जी त्यांना इतरांच्या मनातील भावना ओळखण्यास मदत करते. या जन्मतारखेच्या लोकांना समोरच्या व्यक्तीच्या मनातलं ओळखता येतं. याच कारणामुळे या जन्मतारखेच्या लोकांना धोका देणं सहजासहजी शक्य नसतं.
‘या’ जन्मतारखेचे लोक असतात खास
अंकज्योतिष शास्त्रानुसार, कोणत्याही महिन्याच्या 7, 16 आणि 25 तारखेला जन्मलेल्या लोकांचा मूलांक 7 असतो. या मूलांकाचा स्वामी ग्रह केतू आहे. हा ग्रह रहस्य, अध्यात्म, शक्तीचा कारक ग्रह मानतात. याच कारणामुळे या मूलांकाच्या लोकांची विचारसरणी इतरांपेक्षा थोडी वेगळी असते. कोणत्याही गोष्टीच्या मूळाशी जाऊन हे लोक विचार करतात.
इंट्यूशन पॉवर खूप स्ट्रॉंग असते
या जन्मतारखेच्या लोकांची इंट्युशन पॉवर खूप स्ट्रॉंग असते. याच कारणामुळे समोरच्या व्यक्तीचं खोटं हे एका झटक्यात ओळखू शकतात. अनेकदा यांना मनातूनच चूक आणि बरोबरचा अंदाज लावता येतो.
समोरच्याचा उद्देश लगेच कळतो
या जन्मतारखेचे लोक समोरच्या व्यक्तीची बॉडी लॅंग्वेज आणि व्यवहारावर फोकस करतात. याच कारणामुळे यांना फसवणं किंवा यांच्याशी खोटं बोलणं सोपं नसतं. तसेच, अनेकांना यांच्याकडून सल्ले घ्यायला आवडतात. यांचे अंदाजही खरे ठरतात. याच कारणामुळे यांना पटकन कोणी फसवू शकत नाही. मात्र, हे लोक तितकेच भावूकही असतात.
अध्यात्म आणि रहस्यमयी गोष्टींत जास्त आवड असते
या जन्मतारखेचे लोक जास्त अध्यात्म आणि ज्योतिषीय घटनेत आवड ठेवतात. रहस्यमयी घटना यांना जास्त भावतात. यांना इतरांहून काहीतरी वेगळं आणि हटके करायचं असतं. हे लोक जास्त माणसं असलेल्या ठिकाणी नाही रमत. यांना स्वत: बरोबर वेळ घालवायला जास्त आवडतो. त्यामुळे लोक यांना इंट्रोव्हर्ट म्हणतात.
इतरांपेक्षा वेगळी असते विचारसरणी
मूलांक 7 असणारे लोक फार खोलवर विचार करतात. याच कारणामुळे कोणताही निर्णय हे घाईगडबडीत न घेता अत्यंत विचारपूर्वक घेतात. व्यवसायात देखील हे लोक आपलं नाव कमावतात. तसेच, संशोधन, लेखन, अध्यात्म, शिक्षण आणि क्रिएटिव्ह फिल्डमध्ये चांगलं नाव कमावतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
Nirjala Ekadashi 2026 : निर्जला एकादशीला लक्ष्मी नारायण आणि नवपंचम राजयोगाचा शुभ संयोग; 4 राशींना लागणार लॉटरी, घरात येणार पैसाच-पैसा
Maharashtra Rain News : पुणे, सातारा, लातूर, धाराशिव, यवतमाळ आणि चंद्रपूर जिल्ह्यांना ऑरेंज अलर्ट
