नागपूर : महाराष्ट्र पोलीस दलातून (Maharashtra Police) एक अत्यंत महत्त्वाची आणि मोठी बातमी समोर येत आहे. नागपूरचे पोलीस आयुक्त रवींद्र सिंघल (Ravindra Singhal) यांची बदली करण्यात आली असून, त्यांच्या जागी राज्याचे डॅशिंग आयपीएस अधिकारी विश्वास नांगरे पाटील (Vishwas Nangare Patil) यांची नागपूरचे नवे पोलीस आयुक्त (Nagpur Police Commissioner) म्हणून नियुक्ती करण्यात आली आहे. गृह विभागाने या संदर्भातील अधिकृत आदेश जारी केले असून, या मोठ्या फेरबदलामुळे पोलीस दलासह राजकीय वर्तुळातही चर्चांना उधाण आलं आहे.
IPS Vishwas Nangare Patil Transfer : दोन बड्या आयपीएस अधिकाऱ्यांची ‘अदलाबदल’
या बदली प्रक्रियेचे सर्वात मोठे वैशिष्ट्य म्हणजे दोन्ही वरिष्ठ अधिकाऱ्यांच्या पदांची परस्परांमध्ये अदलाबदल करण्यात आली आहे,
विश्वास नांगरे पाटील : हे आतापर्यंत राज्याचे लाचलुचपत प्रतिबंधक विभागाचे (ACB) अपर पोलीस महासंचालक म्हणून कार्यरत होते. आता ते नागपूर शहराची कायदा व सुव्यवस्था सांभाळणार आहेत.
रवींद्र सिंघल : नागपूरचे मावळते पोलीस आयुक्त रवींद्र सिंघल आता विश्वास नांगरे पाटील यांच्या जागेवर, म्हणजेच लाचलुचपत प्रतिबंधक विभागाच्या (ACB) अपर पोलीस महासंचालक पदाची धुरा सांभाळतील.
Vishwas Nangare Patil IPS News : नागपूरला मिळणार ‘डॅशिंग’ नेतृत्व
विश्वास नांगरे पाटील हे आपल्या शिस्तबद्ध आणि धडक कार्यपद्धतीसाठी संपूर्ण महाराष्ट्रात ओळखले जातात. मुंबई, पुणे, नाशिक यांसारख्या मोठ्या शहरांमध्ये त्यांनी यापूर्वी आपल्या कामाचा धडाका दाखवला आहे.
उपराजधानी नागपूरमधील गुन्हेगारीवर वचक निर्माण करणे आणि कायदा-सुव्यवस्था अधिक मजबूत करणे, हे त्यांच्यासमोरील मुख्य आव्हान असणार आहे. त्यांच्या या नियुक्तीमुळे नागपूर पोलीस दलाला एक नवे आणि गतिमान नेतृत्व लाभले आहे.
ही बातमी वाचा:
Gokul Gite Nashik: प्रचार थांबवूनही निवडणूक कशी जिंकली?; गोकुळ गीतेंनी सांगितली विजयाची Inside Story
