Aamir Khan: 60 व्या वर्षी वृद्धत्व येतं असं प्रत्येक जण म्हणतो, या वयात अनेक जण शारीराला आरम देतात. पण अभिनेता आमिर खान याने वयाच्या 60 व्या वर्षी 18 किलो वजन कमी केलं आहे. उतार वयात तब्बल 18 किलो वजन कमी करणं मोठं आव्हान आहे. सांगायचं झालं तर, अभिनेत्याने कोणतं कठीण वर्कआऊट न करता आणि डाएट शिवाय 18 किलो वजन कमी केलं आहे. अशात तुम्ही देखील विचार करत असाल कीं, वर्कआउट आणि डाएट शिवाय कसं वजन कमी केलं असेल. तर जाणून घ्या अभिनेत्याने कसं वजन केलं. जाणून घ्या डाएट आणि फिटनेस टिप्स…
मायग्रेन ठरली मोठी समस्या…
आमिर खान मायग्रेनचा सामना करत आहे, यावर आरम मिळवण्यासाठी अभिनेत्याने एंटी – इंफ्लेमेटरी डाएट सुरु केलं आहे. यामध्ये अनेक पथ्य पाळावे लागतात आणि हेल्दी पदार्थांचं सेवन करण्याचा सल्ला देतात. आमिर याने डाएट करण्याची सुरुवात केली आणि ज्याचा फायदा अभिनेत्याला झाला. यामुळे आमिर खान याचं 18 किलो वजन कमी झालं आहे.
एंटी – इंफ्लेमेटरी डाएट म्हणजे काय?
न्यूट्रिशनिस्ट रजुता दिवेकर यांनी एंटी – इंफ्लेमेटरी डाएटबद्दल सांगितलं की, फक्त डाएट फॉलो केल्याने वजन कमी होत नाही. पण त्याचा शारीराला मोठ्या प्रमाणात फायदा होतो. या डाएटमध्ये साखर, मैदा, मद्य, प्रोसेस्ड फूड यांसरखे पदार्थ टाळण्याचा सल्ला डॉक्टर देतात. हे पदार्थ डाएटमधून वगळल्यास वजन कमी होण्यास मदत होईल…
काय खातो आणि खान?
शरीरातील अंतर्गत सूज कमी करण्यासाठी आमीरने आपल्या आहारात डार्क चॉकलेट, चरबीयुक्त मासे, चेरी, ब्रोकोली, ग्रीन टी, अ‍ॅवोकॅडो, द्राक्षे, टोमॅटो, मशरूम आणि बेरीज यांसारख्या अनेक पदार्थांचा समावेश केला. हे सर्व पदार्थ शरीराच्या आतील सूज कमी करतात, तसेच पोट दीर्घकाळ भरलेलं ठेवतात. याशिवाय, या आहारामुळे शरीरात चरबी साचत नाही.
झोप आणि इतर गोष्टींची काळजी
तुम्ही वयाच्या कोणत्याही टप्प्यात असाल, तरी झोपेची विशेष काळजी घ्या. जर तुमची झोप पूर्ण होत असेल, तर तुमचे शरीर लवकर बरे होईल. झोप कमी झाली, तर शरीर व्यवस्थित काम करणार नाही. आमीर खानने आहाराव्यतिरिक्त आपली झोप, खाण्यापिण्याची सवय आणि व्यायाम या प्रत्येक गोष्टीची योग्य काळजी घेतली आणि काही महिन्यांत स्वतःचं वजन कमी केलं.
