Gold Price News : सध्या सणासुदीचा काळ सुरु झाला आहे. या काळात मोठ्या प्रमाणात सोन्या चांदीची खरेदी होत असते. मात्र, दिवसेंदिवस सोन्या चांदीच्या दरात होणारी वाढ आणि त्यामुळं ग्राहकांच्या खिशाला फटका बसत आहे. मात्र, अशातच आता दिलासादायक आणि आनंदाची बातमी समोर आली आहे. गेल्या तीन दिवसात सोन्याच्या दरात ोमठी घसरण झाली आहे. त्याचबरोबर चांदीच्या दरात देखील घसरण झाली आहे. त्यामुळं खरेदीदारांना मोठी संधी मिळणार आहे. जाणून घेऊयात सविस्तर माहिती.
राष्ट्रीय राजधानी दिल्लीत सोन्याच्या दरात सलग तिसऱ्या दिवशी घसरण
राष्ट्रीय राजधानी दिल्लीत सोन्याच्या दरात सलग तिसऱ्या दिवशी घसरण झाली आहे. विशेष म्हणजे, तीन दिवसांत सोन्याच्या दरात 4 हजार 700 रुपयांची घसरण झाली आहे. विशेष म्हणजे आज सोन्याच्या दरात 3 हजार 300 रुपयांची घट झाली. त्याचबरोबर आजज चांदीच्या दरातही 5000 रुपयांची घट झाली आहे. तज्ज्ञांच्या मते, डॉलर निर्देशांकातील वाढीमुळे ही घसरण झाली आहे. तज्ज्ञांच्या मते, फेडच्या धोरण घोषणेपूर्वी गुंतवणूकदार सावध भूमिका घेत आहेत, ज्यामुळे डॉलर निर्देशांकात वाढ होत आहे आणि सोन्याच्या दरांवर दबाव येत आहे.
सोने आणि चांदीच्या दरात घसरण
सोन्याच्या दरात प्रति 10 ग्रॅम दरात 3300 ची घट होऊन तो 1.62 लाखांवर आला. अमेरिकन डॉलर मजबूत झाल्यामुळे आणि व्यापाऱ्यांनी नफावसुली केल्यामुळे सोन्याच्या दरात सलग तिसऱ्या दिवशी घसरण झाली. स्थानिक व्यापाऱ्यांच्या मते, 99.9 टक्के शुद्ध सोन्याचा दर (सर्व करांसहित) गुरुवारच्या प्रति 10 ग्रॅम 165700 च्या बंद पातळीवरून 3300 ने घसरून 162400 वर आला आहे. या तीन दिवसांच्या घसरणीमुळे सोन्याचे दर 25 ऑगस्ट रोजीच्या 167100 रुपये प्रति 10 ग्रॅमच्या पातळीवरून 4700 रुपयांनी, म्हणजेच सुमारे 3 टक्क्यांनी खाली आले आहेत. त्यावेळी सोन्याच्या दरात अलीकडील वाढ दिसून आली होती. देशांतर्गत बाजारात चांदीचे दरही 5000 रुपयांनी घसरून, 250500 रुपये प्रति किलोग्रॅमच्या मागील बंद भावाच्या तुलनेत (सर्व करांसहित) 245500 रुपये प्रति किलोग्रॅमवर आले आहेत.
सोने आणि चांदीच्या दरात घसरण होण्याचं कारण काय?
या आठवड्यात सोन्याच्या किमती अस्थिर राहिल्या. अलीकडील तेजीनंतर, अमेरिकन डॉलर 99.15 च्या पातळीच्या वर मजबूत झाल्याने, व्यापारी सलग तिसऱ्या सत्रात नफा कमावत होते. वाढत्या तस्करीच्या पार्श्वभूमीवर केंद्र सरकारने सीमा शुल्कात कपात करण्याच्या बातमीने देशांतर्गत सराफा बाजारावरही दबाव आणला. देशांतर्गत पातळीवर, वाढत्या तस्करीच्या पार्श्वभूमीवर सीमा शुल्कात कपात होण्याच्या अफवांमुळे देशांतर्गत किमतींवर दबाव आला आणि आंतरराष्ट्रीय बाजाराच्या तुलनेत किमतींमधील तफावत वाढली.
