टीम इंडियाला घाम फोडणाऱ्या खेळाडूला लॉटरी, आता अश्विनच्या विरोधात मैदानात उतरणार, कोण आहे खेळाडू? | क्रीडा बातम्या (Sports News in Marathi)

आता टीम इंडिया विरूद्ध केलेल्या जबरदस्त कामगिरीच्या बळावर युरोपियन टी20 प्रीमियर लीग (ETPL) च्या एका फ्रँचायझीने जय मुंदडावर पहिली बोली लावली आहे. या टी20 लीगमध्ये आतापर्यंत सहा संघांनी 36 खेळाडूंची निवड केली आहे.ज्यात आयर्लंड, स्कॉटलंड आणि नेदरलँड्समधील प्रत्येकी 12 खेळाडूंचा समावेश आहे. प्रत्येक संघाने सहा खेळाडूंना कायम ठेवले आहे. या मालिकेत रॉटरडॅम डॉकर्सने जय मुंदडाच्या रूपात आपली पहिली निवड केली आहे.

भारतीय दिग्गज रविचंद्रन अश्विन देखील या लीगचा एक भाग आहे. तो डब्लिन गार्डियन्सचा कर्णधार आणि मार्गदर्शक आहे. रॉटरडॅम डॉकर्सचे सह-मालक जॉटी ऱ्होड्स यांनी फ्रँचायझीमध्ये जय मुंद्राच्या समावेशाबद्दल एक विशेष विधान केले. ते म्हणाले, “ज्या प्रकारे जय मुंद्राने आंतरराष्ट्रीय पदार्पण केले, त्यानंतर त्याला आमच्या संघात सामील करून घेण्यासाठी आम्ही उत्सुक होतो. तो एक उत्तम तरुण प्रतिभावान खेळाडू आहे. तो आमच्या संघात सामील झाल्याने आम्हाला आनंद आणि उत्साह वाटत आहे. मला वाटते की जय व्यतिरिक्त, आमच्याकडे आयर्लंड, स्कॉटलंड आणि नेदरलँड्सचे इतरही अनेक उत्कृष्ट खेळाडू आहेत. मला वाटते की आमच्या संघात उत्कृष्ट संतुलन आहे.”

ॲमस्टरडॅम फ्लेम्स: कर्टिस कॅम्पफर, काईल क्लाईन, टिम प्रिंगल, आर्यन दत्त, जॉर्डन नील, मॅक्स ओ’डॉड